მასპინძლობის სიხშირისა და ხერხების მართვა

მასპინძლობა შეგიძლიათ სრული განაკვეთით, სეზონურად ან როცა სახლიდან გასული ხართ სამოგზაუროდ. სამასპინძლო განრიგის მართვას Airbnb‑ს აპი გაგიმარტივებთ. მასში ჩაშენებული ხელსაწყოები საშუალებას გაძლევთ, აკონტროლოთ დასაჯავშნად ხელმისაწვდომობა, ჯავშნების გაფორმების ხერხი და სახლის წესები.

• დაამატეთ დასაჯავშნად ხელმისაწვდომი თარიღები. განსაზღვრეთ დასაჯავშნად ხელმისაწვდომი პერიოდი — მაგალითად, მომდევნო 3, 6, 9, 12 ან 24 თვე, ანდა მიუთითეთ, კონკრეტულად რომელ თარიღებში გსურთ მასპინძლობა. მნიშვნელოვანი ღონისძიებები და დღესასწაულები პირდაპირ კალენდარში იქნება აღნიშნული.
• მიუთითეთ მომზადების დრო. აირჩიეთ, მინიმუმ რა დრო გჭირდებათ ხოლმე ჯავშნის გაფორმებიდან სტუმრობამდე. სურვილისამებრ, შეგიძლიათ დაუშვათ ჯავშნის გაფორმების დღესვე დაბინავება, ან მოითხოვოთ მინიმუმ 1, 2, 3 ან 7 დღე, თუ მეტი დრო გჭირდებათ.
• განსაზღვრეთ სტუმრობის ხანგრძლივობები. მიუთითეთ, მინიმუმ ან მაქსიმუმ რამდენი ღამით იყოს შესაძლებელი სტუმრობა. მაგალითად, შეგიძლიათ მოითხოვოთ მინიმუმ 2 ღამით სტუმრობა.

თქვენი კალენდრის მორგება რამდენიმე მარტივი პარამეტრის მეშვეობით შეგიძლიათ.

• მიუთითეთ სტუმრების მაქსიმალური რაოდენობა. განსაზღვრეთ, რამდენი სტუმრის კომფორტულად განთავსებაა შესაძლებელი საცხოვრებელში.
• აირჩიეთ ჯავშნების გაფორმების ხერხი სტუმრებისთვის. მომენტალური დაჯავშნის ფუნქცია საშუალებას აძლევს სტუმრობის მსურველებს, რომლებიც თქვენ მიერ დაწესებულ მოთხოვნებს აკმაყოფილებენ და სახლის წესებსაც ეთანხმებიან, მყისიერად დაჯავშნონ ხელმისაწვდომი თარიღები. თუ გირჩევნიათ, დაჯავშნის თითოეული მოთხოვნა ინდივიდუალურად განიხილოთ, შეგიძლიათ გამორთოთ მომენტალური დაჯავშნის ფუნქცია.
• აირჩიეთ შესვლისა და გასვლის საათები. თქვენი გადასაწყვეტია, რამდენად ადრე შეძლონ სტუმრებმა დაბინავება და რამდენად გვიან — საცხოვრებლიდან გასვლა.

Airbnb‑ს მეშვეობით ჯავშნის გაფორმების ყველა მსურველს დადასტურებული უნდა ჰქონდეს ვინაობა. დაბინავებამდე თითოეული სტუმრის პროფილის გაცნობა შეგიძლიათ.

სახლის წესების საფუძველზე, სტუმრობის მსურველები წინასწარ იგებენ, რას მოელის მასპინძელი მათგან

• აირჩიეთ სახლის წესები. ასარჩევად ხელმისაწვდომია წესები, რომლებიც ეხება მოწევას, შინაურ ცხოველებს, ღონისძიებებს, სიმშვიდის საათებს, სტუმრების მაქსიმალურ რაოდენობას, შესვლისა და გასვლის საათებს, ასევე, კომერციულ ფოტო‑ და ვიდეოგადაღებას.
• დაურთეთ დამატებითი წესები. საჭიროებისამებრ, შეგიძლიათ აღნიშნოთ მოთხოვნები, რომლებიც კონკრეტულად თქვენ მიერ განთავსებულ საცხოვრებელს ეხება. მთავარია, ისინი იყოს გონივრული და არ ეწინააღმდეგებოდეს Airbnb‑ს წესებს.

თუ სტუმარი თქვენ მიერ დადგენილ წესებს დაარღვევს, დაუკავშირდით Airbnb‑ს მხარდაჭერის გუნდს. სახლის მკაფიო წესების დადგენა და პარამეტრების სწორად განსაზღვრა მშვიდად მასპინძლობის წინაპირობაა.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.