მომენტალური დაჯავშნის შესახებ

მომენტალური დაჯავშნის ფუნქცია სტუმრობის მსურველებს საშუალებას აძლევს, მყისიერად დაჯავშნონ თქვენ მიერ განთავსებული საცხოვრებელი დასაჯავშნად ხელმისაწვდომ თარიღებში. ამ შემთხვევაში, დაჯავშნის თითოეული მოთხოვნის ცალ‑ცალკე შემოწმება და დადასტურება არ მოგიწევთ, რაც დროს დაგიზოგავთ. ამასთან, მრავალი სტუმარი უპირატესობას მომენტალურ დაჯავშნას ანიჭებს მისი მოსახერხებლობის გამო.

მომენტალური დაჯავშნის ჩართვა ან გამორთვა ნებისმიერ დროს შეგიძლიათ — ამისთვის გადადით „განცხადებების“ ჩანართზე.

მომენტალური დაჯავშნის ფუნქციის გააქტიურების შემთხვევაში, სტუმრობის ყველა მსურველმა უნდა გაიაროს ვინაობის დადასტურების პროცედურა Airbnb‑ზე. ამას გარდა, ისინი უნდა დაეთანხმონ სახლის წესების დაცვას და აკმაყოფილებდნენ სტუმრების მიმართ დადგენილ მოთხოვნებს.

სურვილისამებრ, შეგიძლიათ მომენტალურად დაჯავშნის შესაძლებლობა მხოლოდ იმ სტუმრებს მისცეთ, რომლებსაც აქვთ სტუმრობის კარგი ისტორია (მინიმუმ ერთი სტუმრობა და არცერთი უარყოფითი მიმოხილვა).

თუ სტუმრებმა უნდა წარმოადგინონ პირადობის დამადასტურებელი ოფიციალური დოკუმენტი, როცა მათ პირადად ხვდებით, ან თუ აღნიშნულს ადგილობრივი კანონმდებლობა მოითხოვს, სტუმრებს ამის შესახებ „შეტყობინებების“ ჩანართიდან შეგიძლიათ მისწეროთ.

მომენტალური დაჯავშნით სარგებლობისას რეგულარულად უნდა განაახლეთ კალენდარი. გირჩევთ, შეასრულოთ Airbnb‑ზე თქვენი კალენდრის სინქრონიზაცია თქვენს სხვა კალენდრებთან. ამით თავიდან აიცილებთ მოულოდნელ ჯავშნებსა და დროში შეუთანხმებლობის გამო ჯავშნის გაუქმების შემთხვევებს, რომლებიც, შესაძლოა, გაუქმების გადასახადებსა თუ სხვა უარყოფით შედეგებს ითვალისწინებდეს.

ჯავშნის გაუქმებას უარყოფითი შედეგების გარეშეც შეძლებთ, თუ საფუძვლიანი მიზეზები გექნებათ (მაგალითად, თუ ცალსახად ჩანს, რომ სტუმარი აპირებს სახლის რომელიმე წესის დარღვევას). გაითვალისწინეთ, რომ გაუქმების მიზეზი არ უნდა ეწინააღმდეგებოდეს Airbnb‑ს ანტიდისკრიმინაციულ პოლიტიკას.

დაჯავშნის მოთხოვნები, შესაძლოა, მომენტალური დაჯავშნის ფუნქციით სარგებლობის დროსაც კი მიიღოთ, თუ:

• კალენდარი არ არის განახლებული.
• ბოლო დროს ჯავშანი გააუქმეთ.
• სტუმრობის მსურველი არ აკმაყოფილებს თქვენ მიერ დადგენილ მოთხოვნებს.

პოტენციურ სტუმარს 24 საათის განმავლობაში უნდა გამოეხმაუროთ: დააკმაყოფილოთ/უარყოთ დაჯავშნის მოთხოვნა, ან მისწეროთ მას.

თქვენ თავად აკონტროლებთ, როგორ შეძლებენ სტუმრობის მსურველებს თქვენ მიერ განთავსებული საცხოვრებლის დაჯავშნას. მომენტალური დაჯავშნის ეფექტურობისა და მოსახერხებლობის მიუხედავად, ზოგიერთ მასპინძელს დაჯავშნის მოთხოვნების მიღება უფრო აწყობს.

აირჩიეთ მეთოდი, რომელიც დაგეხმარებათ, თავიდან აიცილოთ ჯავშნების არასაპატიო მიზეზით გაუქმების შემთხვევები.