ჯავშნის შეცვლა

თუ ჯავშანში მითითებული თარიღების შეცვლა გსურთ, მიმართეთ მასპინძელს სტუმრობის ცვლილების მოთხოვნით. მოთხოვნის დაკმაყოფილების შემთხვევაში, საჭიროების მიხედვით, შესაძლოა, თანხა ჩამოგეჭრათ ან დაგიბრუნდეთ.

ცვლილების მოთხოვნის სტატუსის გარკვევა შეგიძლიათ როგორც „სტუმრობების“ ჩანართიდან, ისე უშუალოდ მასპინძელთან დაკავშირების მეშვეობით.

სტუმრობის ცვლილების მოთხოვნის გამოხმობა შესაძლებელია მის დაკმაყოფილებამდე. მოთხოვნის საპოვნელად და გასაუქმებლად გადადით „სტუმრობების“ გვერდზე.

თუ ჯავშანში სტუმრების დამატება ან იქიდან მათი წაშლა გსურთ, მიმართეთ მასპინძელს სტუმრობის ცვლილების მოთხოვნით დაბინავებამდე ან დაბინავების შემდეგ. საჭიროების მიხედვით, შესაძლოა, თანხა ჩამოგეჭრათ ან დაგიბრუნდეთ.

მოიწვიეთ თქვენი თანმხლები სტუმრები ჯავშანში დასაფიქსირებლად, რის შემდეგაც ისინი მიიღებენ წვდომას დაბინავებასთან დაკავშირებულ ინფორმაციასა და მასპინძელთან მთელ მიმოწერაზე.

ჯავშნიდან კონკრეტული სტუმრის წაშლის შემდეგ მას აღარ ექნება წვდომა ინფორმაციაზე სტუმრობის შესახებ და მასპინძელთან მიმოწერაზე.

თუ სტუმრობა დასრულებულია, ჯავშანში ცვლილებას ვეღარ მოითხოვთ და დაგჭირდებათ ახალი ჯავშნის გაფორმება.

ჯავშანში ცვლილებების შესატანად გადადით სტუმრობის დეტალების გვერდზე.

ჯავშნის გაუქმება, ან მასში ისეთი ცვლილებების შეტანა, როგორიცაა, მაგალითად, დაბინავებისა და გასვლის თარიღების შეცვლა ან სხვა სტუმრების დამატება, შეგიძლიათ იმ შემთხვევაშიც კი, თუ მის ღირებულებას Klarna‑ს გრაფიკით იხდით. თანხას Airbnb უბრუნებს Klarna‑ს, Klarna კი — სტუმრებს.