უსაფრთხოების კამერების, ჩამწერი მოწყობილობების, ხმაურის დონის საზომებისა და ჭკვიანი სახლის მოწყობილობების გამოყენება და მათი არსებობის გამხელა

საცხოვრებლის შიდა სივრცეების მონიტორინგისთვის განკუთვნილი უსაფრთხოების კამერებისა და ჩამწერი მოწყობილობების არსებობა დაუშვებელია იმ შემთხვევაშიც კი, თუ ისინი გამორთულია. ფარული კამერების გამოყენება ყოველთვის იყო და იქნება სასტიკად აკრძალული. გარე უსაფრთხოების კამერების, ხმაურის დონის საზომებისა და ჭკვიანი სახლის მოწყობილობების არსებობა დაშვებულია, თუ ისინი აკმაყოფილებს ქვემოთ აღნიშნულ მითითებებს და მოქმედი კანონმდებლობის მოთხოვნებს.

წინამდებარე წესები ძალაში შედის 2024 წლის 30 აპრილს.

უსაფრთხოების კამერები და ჩამწერი მოწყობილობები

• უსაფრთხოების კამერები და ჩამწერი მოწყობილობები გულისხმობს ნებისმიერ მოწყობილობას, რომელიც გამოიყენება ვიდეომასალის, გამოსახულებებისა ან აუდიომასალის ჩაწერისა და გადაცემისთვის (მაგალითად, რადიოძიძა ან კარის ზარის კამერა).
• უსაფრთხოების ფარული კამერების არსებობა სასტიკად აკრძალულია.
• მასპინძლებისთვის აკრძალულია უსაფრთხოების ისეთი კამერებისა და ჩამწერი მოწყობილობების ქონა, რომლებიც გამოიყენება სტუმრებისთვის შეთავაზებული საცხოვრებლის შიდა სივრცეების (მაგალითად, დერეფნის, საძინებლის, სააბაზანოს, მისაღების ან სტუმართა ფლიგელის) მონიტორინგისთვის (იმ შემთხვევაშიც კი, თუ ისინი გამორთული ან გათიშულია). აკრძალვა ვრცელდება საერთო დანიშნულებისა და საზიარო სივრცეებზეც (მაგალითად, მისაღებ ოთახზე, როცა საცხოვრებელში სტუმარს აქვს ცალკე ოთახი).
• მასპინძლებისთვის აკრძალულია უსაფრთხოების კამერებისა და ჩამწერი მოწყობილობების საცხოვრებლის გარეთ ისეთ ადგილებში დამონტაჟება, საიდანაც შესაძლებელია იმ ზონების მონიტორინგი, სადაც სტუმრებისთვის განსაკუთრებით მნიშვნელოვანია პირადი სივრცე (მაგალითად, მომიჯნავე გარე საშხაპის ან საუნის შიგნით).
• გარე უსაფრთხოების კამერებისა და ჩამწერი მოწყობილობების ქონა მასპინძლებისთვის დაშვებულია იმ პირობით, რომ მათი მდებარეობის შესახებ ინფორმაცია წინასწარ ეუწყებათ სტუმრებს საცხოვრებლის აღწერილობაში (მაგ., „წინა ეზოს გადაჰყურებს კამერა“, „პატიოს პერიმეტრზე არის კამერა“, „აუზის მონიტორინგისთვის გამოიყენება კამერა“ ან „კარის ზარს აქვს კამერა, რომელიც გამოიყენება შემოსასვლელი კარისა და კორპუსის დერეფნის მონიტორინგისთვის“).
• მასპინძლები ვალდებული არიან, წინასწარ აუწყონ სტუმრებს ინფორმაცია უსაფრთხოების იმ გარე კამერებისა და ჩამწერი მოწყობილობების შესახებ, რომლებიც მათ კონტროლს ექვემდებარება (მაგალითად, რომლებსაც ისინი მრავალბინიანი შენობის დერეფნის ან უკანა ეზოს მონიტორინგისთვის იყენებენ).

ხმაურის დონის საზომები

• ხმაურის დონის საზომები გულისხმობს მოწყობილობებს, რომლებიც გამოიყენება ხმის დონის გასაზომად, თუმცა არა მის ჩასაწერად.
• ხმაურის დონის საზომების საცხოვრებლის შიგნით არსებობა დაშვებულია იმ პირობით, რომ მასპინძელი წინასწარ აუწყებს სტუმრებს მათი არსებობის შესახებ. ამასთან, ისინი არ უნდა მდებარეობდეს საძინებლებში, სააბაზანოებში ან საძილე ზონებში. მასპინძლებს არ ევალებათ ხმაურის დონის საზომების ზუსტი მდებარეობის შესახებ ინფორმაციის მითითება.

ჭკვიანი სახლის მოწყობილობები

• ჭკვიანი სახლის მოწყობილობები გულისხმობს მოწყობილობებს, რომლებიც გამოიყენება სხვა მოწყობილობებთან ან ქსელებთან დაკავშირებისა და ურთიერთქმედებისთვის. ასეთი მოწყობილობებია Amazon‑ის Alexa და Google‑ის Nest.
• ჩვენს პლატფორმაზე განთავსებულ საცხოვრებლებში დაშვებულია ჭკვიანი სახლის მოწყობილობების არსებობა.
• სასურველია, მასპინძლებმა წინასწარ აუწყონ სტუმრებს საცხოვრებელში ამ ტიპის მოწყობილობების არსებობის შესახებ (თუმცა ეს არასავალდებულოა). ამას გარდა, მასპინძლებს ვურჩევთ, მისცენ სტუმრებს საშუალება, გამოაერთონ ან გათიშონ ჭკვიანი სახლის მოწყობილობები.

უსაფრთხოების კამერის ან ჩამწერი მოწყობილობის შესახებ ინფორმაციის მისათითებლად:

ხმაურის დონის საზომების შესახებ ინფორმაციის მითითება