მასპინძლობისთვის გამოყენებული კალენდრის განახლება

ჯავშნების მართვისა და გაუქმების შემთხვევების თავიდან აცილების საუკეთესო საშუალება კალენდრის რეგულარული განახლებაა — დაბლოკეთ ან განბლოკეთ კონკრეტული ღამეები, სტუმრობის მსურველებმა ზუსტად რომ იცოდნენ, როდის არის შესაძლებელი საცხოვრებლის დაჯავშნა.

ღამეების განსაბლოკად ან დასაბლოკად:

თუ არჩეული ღამეების სტატუსები შერეული იქნება (მაგალითად, ზოგიერთი მათგანი იქნება განბლოკილი, ზოგი კი — დაბლოკილი), ღამეების განბლოკვისა თუ ღამეების დაბლოკვის ვარიანტის ნაცვლად მოცემული იქნება ხელმისაწვდომობის ჩასწორების ღილაკი.

ამას გარდა, შენიშნავთ, რომ დასაჯავშნად ხელმისაწვდომი ღამეები კალენდარში აღნიშნულია თეთრი ფერით, ხოლო მიუწვდომელი თარიღები გადახაზულია დახრილი ხაზით. მიუწვდომელი ღამეების განბლოკვის მცდელობისას შეიტყობთ, რატომ არის ისინი დაბლოკილი — მაგალითად, პარამეტრების გამო ან Airbnb‑ს გადაწყვეტილებით.

მასპინძლებს კალენდარში ნებისმიერი ღამის განბლოკვა შეუძლიათ — გამონაკლისია თქვენ მიერ გაუქმებული ჯავშნების პერიოდები და ღამეები, რომლებიც მიბმული ან სინქრონიზებული კალენდრების მეშვეობით დაიჯავშნა. მიბმული და სინქრონიზებული კალენდრების შესახებ დამატებითი ინფორმაცია მოცემულია ქვემოთ.

თარიღების არჩევა მობილურ კალენდარში

რამდენიმე ღამის ფასებისა და ხელმისაწვდომობის ჩასასწორებლად ხანგრძლივად შეეხეთ თარიღს, შემდეგ კი თითის გასმით მონიშნეთ სასურველი პერიოდი. თუ რამდენიმე კვირის არჩევა გსურთ, ხანგრძლივად შეეხეთ კალენდარში მოცემულ თარიღს, შემდეგ კი ჩამოუსვით თითი ქვემოთ. თქვენ მიერ არჩეულ დიაპაზონში მოხვდება ყველა საჭირო ღამე.

კალენდარში თარიღების დაბლოკვის შესაძლო მიზეზი

კალენდარში ზოგიერთი ღამის დასაჯავშნად მიუწვდომლობას სხვადასხვა ფაქტორი განაპირობებს. შესაძლოა, პარამეტრების შეცვლა ან დამადასტურებელი ინფორმაციის განახლება გჭირდებოდეთ. აღნიშნულის შესახებ ვრცლად შეგიძლიათ შეიტყოთ აქედან.

დაინტერესებებისა და მოსაწვევების გავლენა კალენდარზე

• როცა სტუმრობის მსურველი მოგმართავთ დაინტერესებით: შესაბამისი თარიღები სხვებისთვისაც ხელმისაწვდომი დარჩება, სანამ ამ პერიოდში ვინმე სტუმრობას არ მოითხოვს.
• თუ სტუმრობის მსურველებს მომენტალურად დაჯავშნის უფლებას აძლევთ და ვინმეს ჯავშნის გასაფორმებლად მოიწვევთ: საშუალება გექნებათ, აირჩიოთ, დაიბლოკოს თუ არა შესაბამისი თარიღები სტუმრის მიერ ჯავშნის გაფორმებამდე ან მოსაწვევის მოქმედების ვადის (24 საათი) ამოწურვამდე — გააჩნია, რომელი მოხდება პირველი. თარიღების დაბლოკვა სტუმრობის მსურველს ჯავშნის გასაფორმებლად საკმარის დროს მისცემს. ამასთან, ნებისმიერ დროს შეძლებთ, გამოიხმოთ ჯავშნის გასაფორმებლად გაგზავნილი მოსაწვევი.
• თუ სტუმრობის მსურველებს მომენტალურად დაჯავშნის უფლებას არ აძლევთ და ვინმეს ჯავშნის გასაფორმებლად მოიწვევთ: შესაბამისი თარიღები კალენდარში ავტომატურად დაიბლოკება და ამ მდგომარეობაში დარჩება სტუმრის მიერ ჯავშნის გაფორმებამდე ან მოსაწვევის მოქმედების ვადის (24 საათი) ამოწურვამდე — გააჩნია, რომელი მოხდება პირველი.