ანაზღაურების მიღების დრო

ესე იგი, თქვენ გეკუთვნით ანაზღაურება, მაგრამ როდის მიიღებთ მას?

ანაზღაურებას გავცემთ სტუმრის დაბინავებიდან დაახლოებით 24 საათში, თუმცა თანხის მიღების ვადა დამოკიდებულია მეთოდზე, რომელსაც ანაზღაურების მისაღებად იყენებთ. ქვემოთ გთავაზობთ საშუალო ვადების მიმოხილვას.

ერთი ან რამდენიმეთვიანი ჯავშნების შემთხვევაში, პირველი თვისთვის ანაზღაურება გაიცემა სტუმრის დაბინავებიდან დაახლოებით 24 საათში, ხოლო დარჩენილი ნაწილი — ყოველთვიურად. შეიტყვეთ ვრცლად ერთ‑ ან რამდენიმეთვიანი ჯავშნებისთვის კუთვნილი ანაზღაურების შესახებ.

შენიშვნა: თანამასპინძლებისა და მასპინძლების კუთვნილი ანაზღაურება, როგორც წესი, გაიცემა ერთდროულად, ამიტომ აქ მოცემული ინფორმაცია მათაც ეხება. შეიტყვეთ ვრცლად თანამასპინძლების კუთვნილი ანაზღაურების შესახებ.

დამუშავების საშუალო დრო

Airbnb‑ს მხრიდან ანაზღაურების გაცემის შემდეგ ტრანსაქცია ჯერ მუშავდება, სანამ მას თქვენი საგადახდო მომსახურების პროვაიდერი მიიღებს. ეს ნიშნავს, რომ თანხის თქვენს ანგარიშზე ასახვას გარკვეული დამატებითი დრო სჭირდება.

• სწრაფი ჩარიცხვა: მაქსიმუმ 30 წუთი Airbnb‑ს მიერ ანაზღაურების გაცემიდან (ხელმისაწვდომია მხოლოდ აშშ‑ში)
• საბანკო ანგარიში: 5‑7 სამუშაო დღე
• PayPal: 1 სამუშაო დღის განმავლობაში
• Payoneer‑ის წინასწარი გადახდის სადებეტო ბარათი: 24 საათის განმავლობაში
• საერთაშორისო საბანკო გადარიცხვა: 3‑7 სამუშაო დღე
• Western Union: 1 სამუშაო დღე (დამოკიდებულია ქვეყანაზე/რეგიონზე)
• MLC‑ბარათი (მხოლოდ კუბაში): 3‑5 სამუშაო დღე

ანაზღაურების მიღების პარამეტრების შემოწმება

ანაზღაურება რომ მიიღოთ, დარწმუნდით, რომ მითითებული გაქვთ ანაზღაურების მიღების მინიმუმ ერთი მეთოდი. ანაზღაურების სტატუსის შემოწმება ნებისმიერ დროს შეგიძლიათ შემოსავლის მართვის პანელიდან.

თუ რამდენიმე საცხოვრებელი გაქვთ განთავსებული, გაფორმებული ჯავშნები კი დაბინავებას ერთსა და იმავე თარიღში ითვალისწინებს, როგორც წესი, ანაზღაურება გაიცემა ერთიანი ტრანსაქციით. თუ ანაზღაურების მინიმალური ოდენობა გაქვთ განსაზღვრული, ის გაიცემა, როცა შესაბამისი ოდენობის თანხას დააგროვებთ.

გაჭიანურება შაბათ‑კვირების ან დღესასწაულების გამო

ბანკები არ ასრულებს ტრანსაქციებს შაბათ‑კვირასა და დღესასწაულებზე — ისინი მომდევნო სამუშაო დღეს დამუშავდება. შეკითხვების შემთხვევაში მიმართეთ უშუალოდ თქვენს ბანკს.

სწრაფი ჩარიცხვითა და Payoneer‑ით სარგებლობის შემთხვევაში, ანაზღაურების ტრანსაქციები მუშავდება შაბათ‑კვირასაც და დღესასწაულებზეც.

დრო და ტრანსაქციების შემოწმება

შესაძლოა, ყველა ტრანსაქცია შესრულებამდე შემოწმდეს. მაგალითად, თაღლითობის თავიდან აცილების მიზნით. ამან, შესაძლოა, თანხის დაგვიანება ან, იშვიათ შემთხვევაში, თქვენი ანგარიშიდან მისი მოხსნა გამოიწვიოს. მსგავს ვითარებაში, შესაძლოა, მოგვიწიოს ანგარიშის ნებართვებისა და ფულადი ოპერაციების შეზღუდვა. ამას გარდა, შესაძლოა, ზოგჯერ დამატებითი ინფორმაციის მოწოდებაც გთხოვოთ ვინაობის დასადასტურებლად.

ამგვარი შემოწმებები სტანდარტული პროცედურებია, რომლებსაც Airbnb‑ს მსგავსი ბევრი სხვა კომპანიაც მიმართავს თაღლითობის თავიდან აცილებისა და რეგულაციებთან შესაბამისობის მიზნით.

შესაძლოა, საჭირო იყოს საკომისიოს გადახდა

ფინანსური დაწესებულება ან ანაზღაურების მიღების მეთოდი, რომლითაც სარგებლობთ, ზოგჯერ, შესაძლოა, თანხის მიღებისთვის ითვალისწინებდეს დამატებით საკომისიოს. შეიტყვეთ ვრცლად ანაზღაურების ოდენობის გამოთვლის შესახებ.