ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.
ინსტრუქცია
მასპინძელი

ანაზღაურების მიღების დრო

ესე იგი, თქვენ გეკუთვნით ანაზღაურება, მაგრამ როდის მიიღებთ მას?

ანაზღაურებას სტუმრის საცხოვრებლიდან გასვლის შემდეგ დაახლოებით 24 საათში გავცემთ.

თუ სტუმრობა მინიმუმ 28 ღამის ხანგრძლივობისაა, ჯავშნისთვის ანაზღაურებას მიიღებთ ყოველთვიურად.

თუ სტუმრებს რამდენიმე საცხოვრებელს სთავაზობთ და გაფორმებული ჯავშნები დაბინავებას ერთსა და იმავე თარიღში ითვალისწინებს, კუთვნილი ანაზღაურება, როგორც წესი, გაიცემა ერთიანი ტრანსაქციით. თუ ანაზღაურების მინიმალური ოდენობა გაქვთ განსაზღვრული, ის გაიცემა, როცა შესაბამის თანხას დააგროვებთ.

ანაზღაურების მისაღებად მომზადება

ანგარიშზე თანხის ასახვის დრო დამოკიდებულია თქვენს ბანკზე და ანაზღაურების მიღების მეთოდზე, ამიტომ აუცილებლად მიუთითეთ მინიმუმ ერთი მეთოდი თქვენი ანგარიშისთვის.

თანხის გაცემის შემდეგ შესაბამის ჯავშანში აისახება ანაზღაურების სტრიქონი. ანაზღაურების სტატუსის შემოწმება ნებისმიერ დროს შეგიძლიათ ტრანსაქციების ისტორიიდან.

დამუშავების საშუალო დრო

Airbnb‑ს მხრიდან ანაზღაურების გაცემის შემდეგ ის მუშავდება, სანამ მას თქვენი საგადახდო მომსახურების პროვაიდერი მიიღებს. ეს ნიშნავს, რომ თანხის თქვენს ანგარიშზე ასახვას გარკვეული დამატებითი დრო სჭირდება.

  • Alipay: Airbnb‑ს მიერ ანაზღაურების გაცემის შემდეგ ანგარიშზე აისახება მყისიერად (ხელმისაწვდომია მხოლოდ მასპინძლებისთვის კონტინენტური ჩინეთიდან)
  • PayPal: 1 სამუშაო დღის განმავლობაში
  • Western Union: 1 სამუშაო დღის განმავლობაში (დამოკიდებულია ქვეყანაზე)
  • Payoneer‑ის წინასწარი გადახდის სადებეტო ბარათი: 1 სამუშაო დღის განმავლობაში
  • საერთაშორისო საბანკო გადარიცხვა: 3‑7 სამუშაო დღის განმავლობაში
  • საბანკო გადარიცხვა / ACH / პირდაპირი ჩარიცხვა: 7 სამუშაო დღემდე

გაჭიანურება შაბათ‑კვირების ან დღესასწაულების გამო

ბანკები არ ასრულებს ტრანსაქციებს შაბათ‑კვირას და დღესასწაულებზე — ისინი მომდევნო სამუშაო დღეს დამუშავდება. შეკითხვების შემთხვევაში მიმართეთ უშუალოდ თქვენს ბანკს.

დრო და ტრანსაქციების შემოწმება

ყველა ტრანსაქცია შესრულებამდე მოწმდება. მაგალითად, ტრანსაქცია შეიძლება შემოწმდეს თაღლითობის თავიდან აცილების მიზნით. ამან, შესაძლოა, თანხის დაგვიანება ან, იშვიათ შემთხვევაში, თქვენი ანგარიშიდან მისი მოხსნა გამოიწვიოს. მსგავს ვითარებაში, შესაძლოა, მოგვიწიოს ანგარიშის ნებართვებისა და ფულადი ოპერაციების შეზღუდვა. ამას გარდა, შეიძლება დამატებითი ინფორმაციის მოწოდება გთხოვოთ ვინაობის დასადასტურებლად.

ამგვარი შემოწმებები სტანდარტული პროცედურებია, რომლებსაც Airbnb‑ს მსგავსი ბევრი სხვა კომპანიაც მიმართავს თაღლითობის თავიდან აცილებისა და რეგულაციებთან შესაბამისობის მიზნით.

შესაძლოა, საჭირო იყოს საკომისიოს გადახდა

ზოგიერთ ფინანსურ დაწესებულებას, რომლებითაც, შესაძლოა, სარგებლობდეთ, თანხის მიღებისთვის დამატებითი საკომისიო აქვს დაწესებული. შეიტყვეთ ვრცლად ანაზღაურების ოდენობის გამოთვლის შესახებ.

დაგეხმარათ ეს სტატია?

დაკავშირებული სტატიები

მიიღეთ დახმარება ჯავშნებთან, ანგარიშთან და სხვა საკითხებთან დაკავშირებით.
შესვლა ან რეგისტრაცია