როდესაც ერთ ჯავშანში რამდენიმე სტუმარია გაერთიანებული, მათ შეუძლიათ ერთმანეთის Airbnb პროფილების ნახვა სტუმრობის ან შთაბეჭდილების მიღების დროს. ის, თუ რა იქნება ხილვადი დაჯავშნამდე, დაჯავშნისას და დაჯავშნის შემდეგ, დამოკიდებულია თქვენს როლზე, პროფილის ხილვადობის პარამეტრებსა და დაჯავშნის ტიპზე.
დამჯავშნელი
როგორც დამჯავშნელს, თქვენი სრული პროფილი გაზიარდება ჯავშანში მითითებულ სხვა სტუმრებთან თქვენი პროფილის ხილვადობის პარამეტრების შესაბამისად. ჯავშანში ჩართვის შემდეგ დაგამატებენ ჯგუფის მიმოწერაში.
მოწვეული სტუმრები
როგორც მოწვეული სტუმრები, ჯგუფური მიმოწერის ისტორიიდან ერთმანეთის პროფილის სრულ ან შეზღუდულ ვერსიას შეძლებთ გაეცნოთ, როცა ჯავშნის მოწვევას დაეთანხმებით. თქვენი და სხვა სტუმრების პროფილებიდან გაზიარებული ინფორმაცია დამოკიდებულია პროფილის ხილვადობის კონფიდენციალურობის პარამეტრებზე.
კავშირები
თუ გსურთ, რომ სტუმრობის შემდეგაც შეინარჩუნოთ კავშირი და გაუზიაროთ სხვებს თქვენი სამოგზაურო რუკა, უნდა გააგზავნოთ ან დაეთანხმოთ კავშირის დამყარების მოწვევას. კავშირების სახით მოგზაურებს შეუძლიათ:
ჯავშნის ყველა სტუმარს ხელმისაწვდომი აქვს ჯგუფური მიმოწერის ის ისტორია, რომელიც ამ სტუმრობასთან ან შთაბეჭდილებასთან არის დაკავშირებული. თემაში თითოეული სტუმრის სრული ან შეზღუდული პროფილის ხილვადობა დამოკიდებულია მის კონფიდენციალურობის პარამეტრებზე, მათ შორის:
სრული პროფილი
შეზღუდული პროფილი
თითოეული სტუმრის პროფილის ხილვადობა განისაზღვრება მისი კონფიდენციალურობის პარამეტრებით. თუ სტუმარმა თავისი პროფილი დააყენა ისე, რომ ის მხოლოდ კავშირებსა და მასპინძლებს ენახებოდეთ, აქტიური ჯავშნის მქონე სხვა მოწვეულ სტუმრებს საშუალება ექნებათ, მხოლოდ მისი შეზღუდული პროფილი იხილონ სტუმრობის ან შთაბეჭდილებაში მონაწილეობის განმავლობაში.
შენიშვნა: თქვენი პროფილის სრულ ვერსიას ყოველთვის შეუძლიათ გაეცნონ თქვენი კავშირები და მასპინძლები.
ანგარიშის კონფიდენციალურობის პარამეტრებიდან შეგიძლიათ აირჩიოთ, ვის შეუძლია თქვენი სტუმრის პროფილის ნახვა Airbnb‑ზე. დანარჩენები შეზღუდულ პროფილს იხილავენ. არჩევანის ვარიანტებია:
შენიშვნა: თუ სხვა ვარიანტს არ აირჩევთ, თქვენი პროფილის ხილვადობის პარამეტრი იქნება „ყველასთვის Airbnb‑ზე“.
პროფილის ხილვადობის შეცვლა კომპიუტერის მეშვეობით
1. დაწკაპუნებით აირჩიეთ: მენიუ > ანგარიშის პარამეტრები > კონფიდენციალურობა
2. გადადით პროფილის ხილვადობაზე, შემდეგ კი დააწკაპუნეთ პუნქტს აირჩიეთ, ვინ ხედავდეს თქვენს პროფილს
3. დაწკაპუნებით აირჩიეთ ხილვადობის სასურველი ვარიანტი, შემდეგ კი — უკან დაბრუნების ისრის ამსახველი ღილაკი, თქვენი არჩევანი რომ შეინახოთ
რჩევა: დაწკაპუნებით ან შეხებით აირჩიეთ გადასახედი ვერსიების ესკიზები, რომ იხილოთ თქვენი სრული ან შეზღუდული პროფილი ზუსტად ისე, როგორც მას კონკრეტული აუდიტორია დაინახავს.
კავშირის წაშლა ან პროფილის ხილვადობის შეცვლა სტუმრობის ან შთაბეჭდილების მიღების შემდეგ არ აფუჭებს ჯავშანს — ჯავშნის დეტალები, მიმოხილვები და შეტყობინებები უცვლელი რჩება. შეიტყვეთ ვრცლად კავშირის წაშლის შესახებ.
შთაბეჭდილებების შემთხვევაში პროფილის ხილვადობა განსხვავებულად მუშაობს. შეგიძლიათ აირჩიოთ, გააზიაროთ თუ არა თქვენი პროფილი თითოეული იმ შთაბეჭდილებისთვის, რომელსაც ჯავშნით ან რომელშიც მონაწილეობას იღებთ. თქვენი სურვილისამებრ, შეგიძლიათ გააზიაროთ ან არ გააზიაროთ თქვენი სრული პროფილი თქვენი ჯავშნის ფარგლებს გარეთ მყოფ სხვა მონაწილეებს თითოეული შთაბეჭდილების დაწყებამდე, მისი მიმდინარეობისას ან დასრულების შემდეგ:
ამას გარდა, შეგიძლიათ მართოთ თქვენი პროფილის ხილვადობა, ასევე, გაეცნოთ დამატებით ინფორმაციას თქვენი პროფილის შესახებ Airbnb შთაბეჭდილებებზე.