დაჯავშნის შემდგომი შეთავაზების წინამდებარე პირობები არის დამატება Airbnb‑ს მომსახურების პირობებისა, საგადახდო მომსახურების პირობებისა და კონფიდენციალურობის დებულებისა (ერთობლივად „Airbnb‑ს პირობები“). AIRBNB‑ს ის სუბიექტი, რომელთანაც ხელშეკრულებას დებთ წინამდებარე შეთავაზებასთან დაკავშირებით, არის იგივე AIRBNB‑ს სუბიექტი, რომელიც განისაზღვრება თქვენი საცხოვრებელი ქვეყნით ან საწარმოს მდებარეობის ქვეყნით AIRBNB‑ს პირობების შესაბამისად.
ეს პრომოაქცია ითვალისწინებს ერთჯერადი ვაუჩერის გაცემას შერჩეული სტუმრებისთვის Airbnb‑ს მეშვეობით საცხოვრებლის დაჯავშნიდან 24 საათის განმავლობაში. სტუმრებს, შესაძლოა, შევთავაზოთ ვაუჩერი 50 აშშ დოლარის (ან ადგილობრივ ვალუტაში ექვივალენტური თანხის) ან ნებისმიერი სხვა ოდენობის ღირებულებით, რომელიც Airbnb‑ს პლატფორმაზე სტუმარს Airbnb‑ს შეხედულებისამებრ ეცნობება. ვაუჩერი უნდა იქნას გამოყენებული კრიტერიუმების შესაბამისი Airbnb შთაბეჭდილების დასაჯავშნად („შეთავაზება“).
ვაუჩერი ხელმისაწვდომი გახდება სტუმრის ანგარიშზე Airbnb‑ს მეშვეობით საცხოვრებლის დაჯავშნის შემდეგ და ხელმისაწვდომი დარჩება იმავე ჯავშნის ფარგლებში საცხოვრებლიდან გასვლიდან 10 დღის განმავლობაში, ან 2026 წლის 31 დეკემბრამდე, იმის მიხედვით, თუ რომელი დადგება უფრო ადრე. აღნიშნული ვადის გასვლის შემდეგ ვაუჩერი აღარ იქნება მოქმედი. ვაუჩერის გამოყენება შესაძლებელია მხოლოდ იმ შესაფერის შთაბეჭდილებებზე, რომელთა ღირებულებაც მინიმუმ 50 აშშ დოლარია. კრიტერიუმების შესაბამისი შთაბეჭდილებების განცხადების გვერდზე გამოჩნდება პრომოაქციის გრაფიკული ელემენტი, რომელიც მიუთითებს კონკრეტულ თანხაზე, რომლის დაზოგვაც შეუძლია სტუმარს ანგარიშსწორებისას, დაჯავშნის დროს (მაგ., „მიიღეთ 50 $-იანი ფასდაკლება ანგარიშსწორებისას“). ამ აქციის ფარგლებში მონაწილეობის უფლება არ ექნებათ იმ შთაბეჭდილებებს, რომელთა განცხადებებსაც არ ექნებათ პრომოაქციის გრაფიკული გამოსახულება. ვაუჩერი ავტომატურად გააქტიურდება გადახდის ეტაპზე კრიტერიუმების შესაბამისი შთაბეჭდილებების დაჯავშნისას, თუ ჯავშნის გაფორმების მომენტში სტუმარს ანგარიშზე არ ექნება მოქმედი, გამოყენებადი ვაუჩერი უფრო დიდი ღირებულებით. ამ შემთხვევაში გააქტიურდება უფრო დიდი ღირებულების ვაუჩერი. სტუმარს შეუძლია ვაუჩერების შეცვლა გადახდის გვერდზე ნებისმიერ დროს.
ამ შეთავაზებაზე ასევე ვრცელდება Airbnb‑ს ვაუჩერების პირობები. ამ შეთავაზების ფარგლებში სტუმრებს შეუძლიათ მხოლოდ ერთი ვაუჩერის გამოყენება თითო ჯავშანზე. ვაუჩერი არ ვრცელდება შთაბეჭდილებაზე, რომელიც დაჯავშნილი იყო ამ შეთავაზების მოქმედებამდე ან შეთავაზების განცხადებაში ასახვამდე. პირობას აკმაყოფილებს მხოლოდ ის ჯავშნები, რომლებიც გაფორმებულია შეთავაზების მოქმედების პერიოდში, როცა ის განცხადებაში ხილვადია. იმის დადგენა, აკმაყოფილებს თუ არა თქვენი ჯავშანი ვაუჩერის გამოყენების კრიტერიუმებს, ხდება დაჯავშნის დროს, და არა მომავალი გადახდების ჩამოჭრის ან შთაბეჭდილების ჩატარების დროს. Airbnb იტოვებს უფლებას, ნებისმიერ დროს, წინასწარი შეტყობინების გარეშე, შეცვალოს ან გააუქმოს წინამდებარე შეთავაზება, ასევე, შეცვალოს წინამდებარე პირობები.