Airbnb‑ბონუსის მიღება კრიტერიუმების შესაბამისი საცხოვრებლების დაჯავშნისას

შესაძლოა, Airbnb‑სგან მიიღოთ ბონუსი მომდევნო სტუმრობისთვის, მომსახურებისთვის ან შთაბეჭდილებისთვის Airbnb‑ს საცხოვრებლების ბონუსის პროგრამის ფარგლებში. ეს არის შეზღუდული დროით მოქმედი შეთავაზება, რომელიც ხელმისაწვდომია მხოლოდ კრიტერიუმების შესაბამისი საცხოვრებლებისთვის და რეგულირდება Airbnb‑ს საცხოვრებლის ბონუსის წესებითა და პირობებით.

Airbnb‑ს საცხოვრებლებისთვის ბონუსის პროგრამის მოქმედების პრინციპი

• საცხოვრებლის რომელი ჯავშნები შედის პროგრამაში: თუ Airbnb‑ს „საცხოვრებლის ბონუსის“ პროგრამის კრიტერიუმებს აკმაყოფილებთ, Airbnb‑ს ბონუსს მიიღებთ ნებისმიერ საცხოვრებელში დაბინავების შემდეგ, რომელსაც აქვს შესაბამისი ნიშანი, რომელიც მიუთითებს Airbnb‑ს ბონუსის მიღების შესაძლებლობაზე. ამ პრომოაქციაში მონაწილეობის უფლებას Airbnb განსაზღვრავს თავისი შეხედულებისამებრ. თუ კრიტერიუმებს დააკმაყოფილებთ, Airbnb პირდაპირ შეგატყობინებთ (როგორც წესი, ელფოსტით), ხოლო შეთავაზება მითითებული იქნება დაჯავშნის პროცესში. თუ Airbnb‑სგან შეტყობინებას არ მიიღებთ, ეს ნიშნავს, რომ ამ პრომოაქციით ვერ ისარგებლებთ.
• ბონუსის შესაძლო ოდენობა: თუ სახლის დაჯავშნა ითვალისწინებს ბონუსის მიღების შესაძლებლობას, შემოთავაზება მითითებული იქნება დაჯავშნის პროცესში. Airbnb‑ს ბონუსის სახით მისაღები თანხის ოდენობა მითითებული იქნება ანგარიშსწორების გვერდზე ჯავშნის გაფორმებისას. გაითვალისწინეთ, რომ ეს თანხა, შესაძლოა, შეიცვალოს, თუ ჯავშანში ცვლილებებს შეიტანთ. Airbnb‑ს ბონუსი გამოითვლება იმ თანხის პროცენტულად, რომელსაც იხდით კრიტერიუმების შესაბამისი საცხოვრებლის დაჯავშნისთვის (ნებისმიერი ფასდაკლების ჩათვლით), ყველა გადასახადისა და მოსაკრებლის გამოკლებით.
• ბონუსის მაქსიმალური ოდენობა: Airbnb‑ს მაქსიმალური ბონუსი, რომლის მიღებაც შეგიძლიათ თითოეული ჯავშნისთვის, არის 2000 აშშ დოლარი ან მისი ეკვივალენტი ადგილობრივ ვალუტაში.
• ბონუსის მიღების დრო: Airbnb‑ ს ბონუსი თქვენს Airbnb‑ს ანგარიშზე აისახება კრიტერიუმების შესაბამისი საცხოვრებელში დაბინავებიდან მალევე.

Airbnb‑ს ბონუსის გამოყენების წესი

• გამოყენება: გადახდისას გამოიყენეთ Airbnb‑ს ბონუსი Airbnb‑ზე მომავალი დასაშვები სტუმრობების, შთაბეჭდილებების ან მომსახურებებისთვის (ხელმისაწვდომობა შეიძლება განსხვავდებოდეს რეგიონის მიხედვით).
• ვადის გასვლა: Airbnb‑ ბონუსის მოქმედების ვადა იწურება 2026 წლის 31 დეკემბერს. ბონუსის გამოსაყენებლად უნდა გააფორმოთ ახალი ჯავშანი ამ ვადის ამოწურვამდე.

მნიშვნელოვანი ინფორმაცია Airbnb‑ბონუსის შესახებ

• Airbnb‑ბონუსი არანაზღაურებადია, მას არ აქვს ფულადი ღირებულება და ის გაცემულია ექსკლუზიურად იმ სტუმრისთვის, რომელმაც კრიტერიუმების შესაბამისი ჯავშანი გააფორმა.
• Airbnb‑ს ბონუსის გადატანა ან გაერთიანება სხვადასხვა ანგარიშზე დაუშვებელია. მისი მეშვეობით ვერ შეძლებთ Airbnb‑ს სასაჩუქრე ბარათების შეძენას, წინა ჯავშნებზე მისი გამოყენებას, მესამე მხარის პარტნიორი ტუროპერატორების მიერ შემოთავაზებული მომსახურებების დაჯავშნას ან სხვა პლატფორმაზე ჯავშნის გაფორმებას.
• ამ პროგრამაში მონაწილეობისთვის თქვენს Airbnb ანგარიშში არ უნდა იყოს დარღვევები.
• დამატებითი ინფორმაციისთვის გაეცანით Airbnb‑ს საცხოვრებლის ბონუსის წესებსა და პირობებს.