ეს სტატია ეხება ობიექტებს, რომლებშიც რამდენიმე საცხოვრებელი ერთეულია, მათ შორის:
შეგიძლიათ ჩაასწოროთ თითოეული საცხოვრებლის განცხადება თქვენს მრავალსაცხოვრებლიან ობიექტში — საცხოვრებლის საყოფაცხოვრებო პირობების, წესებისა და გაუქმების წესების ჩათვლით. ამას გარდა, შეგიძლიათ ჩაასწოროთ ინფორმაცია თქვენს მრავალბინიან ობიექტზე, მაგალითად, მისი სათაური, საყოფაცხოვრებო პირობები ან ფოტოები.
საჭიროებისამებრ, შეგიძლიათ შეცვალოთ სტუმრობის მინიმალური და მაქსიმალური ხანგრძლივობები. ამას გარდა, შეგიძლიათ განსაზღვროთ, რა დრო გჭირდებათ სტუმრების დაბინავებამდე და რამდენი ხნით ადრე გსურთ, რომ აფორმებდნენ ჯავშნებს სტუმრობის მსურველები.
აირჩიეთ, რამდენი სტუმარი შეძლებს კომფორტულად განთავსებას ამ საცხოვრებელ სივრცეში.
საცხოვრებელი სივრცის აღწერილობის ჩასწორება ნებისმიერ დროს შეგიძლიათ, რომ სტუმრობის მსურველებს მეტი ინფორმაცია ჰქონდეთ მის შესახებ.
ობიექტების შემთხვევაში საყოფაცხოვრებო პირობები დაყოფილია ორ კატეგორიად: ობიექტში არსებული საყოფაცხოვრებო პირობები და საცხოვრებელ სივრცეში არსებული საყოფაცხოვრებო პირობები.
საცხოვრებელი სივრცის წესები გულისხმობს სახელმძღვანელო მითითებებს ცალკეული საცხოვრებელი სივრცეებისთვის. საცხოვრებელი სივრცის წესების ჩასწორებას ნებისმიერ დროს შეძლებთ.
საცხოვრებელი სივრცის უსაფრთხოების სექციაში აისახება დეტალური ინფორმაცია ამა თუ იმ საცხოვრებელ სივრცეში არსებული უსაფრთხოების შესახებ.
საცხოვრებელი სივრცის ფართობის მითითებით მის შესახებ ინფორმაცია უფრო ზუსტი იქნება, სტუმრობის მსურველებს კი სათანადო მოლოდინი შეექმნებათ.
საცხოვრებელ სივრცეებში არსებული თვალწარმტაცი ხედების შესახებ ინფორმაციის მითითებით სტუმრობის მსურველებს ეცოდინებათ, ზუსტად რა ხედი გადაიშლება მათი საცხოვრებელი სივრცის ფანჯრებიდან.
შეგიძლიათ გაუქმების წესების შეცვლა, ფასების კორექტირება და კალენდრის მართვა თითოეული საცხოვრებლისთვის.
თქვენი ობიექტისთვის ნაჩვენებია მიმოხილვები თითოეული საცხოვრებელი ერთეულისთვის. თითოეულ მიმოხილვაში მკაფიოდ არის მითითებული, რომელ კონკრეტულ საცხოვრებელში იმყოფებოდა მიმომხილველი.
B&B‑ის ფუნქციები ამჟამად ხელმისაწვდომია მხოლოდ ბრაზილიისა და იტალიის განცხადებებისთვის. რამდენიმე ბინის მახასიათებლის მქონე განცხადებების შექმნა ამჟამად შესაძლებელია მხოლოდ იაპონიასა და ესპანეთში.