გაითვალისწინეთ, რომ რეგისტრაციასთან დაკავშირებული სამასპინძლო მომსახურებისთვის დაჯილდოების პროგრამაში თქვენი მონაწილეობა ექვემდებარება Airbnb‑ს მომსახურების პირობებს, საგადახდო მომსახურების პირობებსა და თანამასპინძელთა ქსელის გამოყენების დამატებით პირობებს, რომლებსაც დაეთანხმეთ, ასევე, კონფიდენციალურობის დებულებას. პროგრამის წინამდებარე წესები და პირობები (შემდგომში — „რეგისტრაციასთან დაკავშირებული სამასპინძლო მომსახურებისთვის დაჯილდოების პროგრამის პირობები“) წარმოადგენს Airbnb‑ს მომსახურების პირობებისა და კონფიდენციალურობის დებულების დანართს. წინამდებარე დამატებით წესებსა და პირობებზე თანხმობის განცხადებამდე გაეცანით Airbnb‑ს მომსახურების პირობებსა და კონფიდენციალურობის დებულებას.
თუ აშშ‑ში ცხოვრობთ, ან ორგანიზაცია, რომლის სახელითაც მოქმედებთ, დაარსებულია აშშ‑ში, გაითვალისწინეთ: არბიტრაჟთან დაკავშირებული კლაუზულა და კოლექტიურ სარჩელზე უარის თქმის დებულება, რომლებსაც Airbnb‑ს მომსახურების პირობები შეიცავს, ვრცელდება ნებისმიერ დავაზე, რომელიც ეხება წინამდებარე დამატებით პირობებს.
რეგისტრაციასთან დაკავშირებული სამასპინძლო მომსახურებისთვის დაჯილდოების პროგრამა (შემდგომში — „პროგრამა“) საშუალებას აძლევს მასში ჩართულ თანამასპინძლებს, რომლებიც კონკრეტულ კრიტერიუმებს აკმაყოფილებენ, მიიღონ ჯილდო (იხილეთ „ანაზღაურების“ სექცია ქვემოთ) მასპინძლებთან იმ უშუალო, პირადი გამოცდილების გაზიარებისთვის, რომელიც ეხება მასპინძელთა მიერ განთავსებული საცხოვრებლებისთვის საჭირო ლიცენზიების, თანხმობების ან/და ნებართვების (შემდგომში ერთობლივად — „თანხმობები“) მოპოვებას ქალაქებში, რომლებშიც Airbnb‑ს გაშვებული აქვს პროგრამა. მასპინძლებმა თავად უნდა წარადგინონ თანხმობის მოპოვების მოთხოვნა. კრიტერიუმების დასაკმაყოფილებლად თანამასპინძლები აქტიური უნდა იყვნენ თანამასპინძელთა ქსელში და უნდა ჰქონდეთ უშუალო, პირადი გამოცდილება თანხმობების მოპოვების კუთხით მომსახურების იმ არეალში, სადაც თანამასპინძლობის მომსახურებებს სწევენ. იაპონიაში განთავსებული ნებისმიერი განცხადების შემთხვევაში ეს შეთავაზება შემოიფარგლება საცხოვრებელში განთავსების საქმიანობის შესახებ კანონის თანახმად მიღებული თანხმობებით.
წინამდებარე პროგრამით გათვალისწინებული ანაზღაურების მისაღებად თანამასპინძლებმა, რომლებიც კრიტერიუმებს აკმაყოფილებენ, უნდა:
თანამასპინძელთა დაჯილდოებისთვის განკუთვნილი თითოეული გადმოგზავნილი ფორმის საფუძველზე და რეგისტრაციასთან დაკავშირებული სამასპინძლო მომსახურებისთვის დაჯილდოების პროგრამის წინამდებარე პირობების დაცვის შემთხვევაში, თქვენ მიიღებთ ფულად ჯილდოს თითოეული განცხადებისთვის, რომელიც მითითებული გექნებათ აღნიშნულ ფორმაში. ფულადი ჯილდოს ოდენობა მითითებული იქნება რეგისტრაციისთვის განკუთვნილ მისასალმებელ ელწერილში, რომელსაც თანამასპინძელთა ქსელისგან მიიღებთ. ჯილდოს მიღება შესაძლებელია მაქსიმუმ 50 განცხადებისთვის. Airbnb არავითარ შემთხვევაში არ იქნება ვალდებული, გადაგიხადოთ თანხა, რომლის ოდენობაც აღემატება აღნიშნულს, არც რამდენიმე ანაზღაურება გასცეს იდენტური თანხმობისთვის, რომელიც რამდენიმე განცხადებას ეხება, ან რამდენიმე იდენტური თანხმობის გადმოგზავნისთვის. ანაზღაურება გათვალისწინებულია მხოლოდ იმ განცხადებებისთვის, რომლებიც გამოქვეყნებულია Airbnb‑ს პლატფორმაზე და ჯილდოს გაცემის მომენტში შეიცავს ინფორმაციას მასპინძლის მიერ მოპოვებული თანხმობის შესახებ. განცხადებები, რომლებთან დაკავშირებითაც ნებართვის მოთხოვნები არ მოქმედებს, ჯილდოს მიღების კრიტერიუმებს არ შეესაბამება.
თუ აშშ‑ის ფარგლებს გარეთ იმყოფებით, მიიღებთ ეკვივალენტურ თანხას ადგილობრივ ვალუტაში (ანუ იმ მეთოდისთვის განსაზღვრულ ვალუტაში, რომელიც ანაზღაურების მისაღებად აირჩიეთ).
შესაბამის შემთხვევებში ეკვივალენტი ადგილობრივ ვალუტაში გამოითვლება სისტემური კურსით, რომელიც ცნობილია, როგორც საბაზისო გაცვლითი კურსი და რომელიც გამოიყენება ვალუტის გაცვლისთვის ერთი ან რამდენიმე გარე წყაროდან, მაგალითად, OANDA‑დან, მიღებული მონაცემების მიხედვით. ჩვენ რეგულარულად ვაახლებთ საბაზისო გაცვლით კურს, თუმცა ის, შესაძლოა, არ ემთხვეოდეს მიმდინარე საბაზრო კურსს.
პროგრამის ფარგლებში ანაზღაურების მისაღებად Airbnb‑ზე თქვენს ანგარიშში უნდა შეინარჩუნოთ კარგი ისტორია, ხოლო თანამასპინძელთა ქსელში ხილულ თანამასპინძლად დარჩეთ.
ანაზღაურების გაცემის შესახებ გადაწყვეტილებას Airbnb მხოლოდ და მხოლოდ საკუთარი შეხედულებისამებრ იღებს გონივრულ ფარგლებში. თაღლითობაზე, გაყალბებაზე, ასევე, Airbnb‑ს მომსახურების პირობებისა თუ რეგისტრაციასთან დაკავშირებული სამასპინძლო მომსახურებისთვის დაჯილდოების პროგრამის წინამდებარე პირობების სხვაგვარ დარღვევაზე ეჭვის მიტანის შემთხვევაში Airbnb იტოვებს უფლებას, მიმართოს ნებისმიერ ზომას (ანაზღაურების გაცემაზე უარის თქმისა და თქვენი ანგარიშის გაუქმების ჩათვლით). Airbnb არ იძლევა გარანტიას, რომ იმ მასპინძლების განცხადებები, რომლებიც დაგიკავშირდებიან, აკმაყოფილებს თანხმობების მიღების კრიტერიუმებს.
თქვენ აცხადებთ და იძლევით გარანტიას, რომ თქვენ — ასევე, ნებისმიერ თანამშრომელს, მუშაკს, მენარდესა თუ აგენტს, რომელიც თქვენთან ერთად ან თქვენი სახელით ეწევა საქმიანობას — გაქვთ ყველა ნებართვა, ლიცენზია, დაზღვევა ან/და კვალიფიკაცია, რომლებიც, შესაძლოა, სავალდებულო იყოს თქვენ მიერ მასპინძლებისთვის შეთავაზებული მომსახურებების გასაწევად. თქვენ თანხმდებით, რომ გააზიარებთ თანხმობების მოპოვებასთან დაკავშირებულ პირად გამოცდილებას, თუმცა არ გასცემთ რჩევებსა თუ რეკომენდაციებს, რომელთათვისაც საჭიროა ისეთი პროფესიული ლიცენზია, რომელიც არ გაქვთ. ასევე, თანხმდებით, რომ მასპინძლის სახელით არ შეასრულებთ მოქმედებებს, რომლებიც არ არის თქვენთვის იურიდიულად ნებადართული. თქვენ თავად ხართ პასუხისმგებელი, წაიკითხოთ და დაიცვათ კანონები, წესები, რეგულაციები და მესამე მხარეებთან დადებული ხელშეკრულებების პირობები, რომლებიც ვრცელდება თქვენ მიერ გაწეულ მომსახურებებზე. აღნიშნული მოიცავს რეგისტრაციასთან, ნებართვებსა თუ ლიცენზირებასთან დაკავშირებულ მოთხოვნებსაც, რომლებიც ეხება მასპინძლებისთვის თქვენ მიერ გაწეულ მომსახურებებს.
საგადასახადო რეგულაციები, შესაძლოა, გვავალდებულებდეს თქვენგან შესაბამისი საგადასახადო ინფორმაციის შეგროვებას, გადასახადების დაკავებას თქვენი კუთვნილი ანაზღაურებიდან ან ორივეს. კერძოდ, როგორც IRS‑ის (აშშ‑ის საგადასახადო სამმართველოს) რეგულაციები განსაზღვრავს, ჩვენ უნდა შევაგროვოთ IRS‑ის W‑9‑ტიპის ფორმები აშშ‑ის იმ რეზიდენტებისგან, რომლებიც ანაზღაურებას იღებენ. თქვენს საგადასახადო ფორმებში მონაცემთა აქტუალობაზე, სისრულესა და სიზუსტეზე სრული პასუხისმგებლობა თქვენ გეკისრებათ. თუ არ მოგვაწვდით დოკუმენტაციას, რომელსაც საკმარისად ჩავთვლით თქვენ სასარგებლოდ თანხის გადახდის შეზღუდვის (ასეთის არსებობის შემთხვევაში) მოსახსნელად, ჩვენ ვიტოვებთ უფლებას, საკუთარი შეხედულებისამებრ, გავყინოთ თქვენი კუთვნილი ნებისმიერი ანაზღაურება ამ საკითხის მოგვარებამდე ან/და დავაკავოთ აღნიშნული თანხები მოქმედი კანონმდებლობის მოთხოვნების შესაბამისად.
თქვენ აცნობიერებთ და თანხმდებით, რომ სრული პასუხისმგებლობა გეკისრებათ, დაადგინოთ (i) მოთხოვნები, რომელთა მიხედვითაც უნდა წარადგინოთ საგადასახადო დეკლარაცია, და (ii) გადასახადები, რომლებიც მას უნდა დაურთოთ, ასევე, ასაკრეფი გადასახადების დართვასა თუ მოქმედ გადასახადებთან დაკავშირებულ ვალდებულებებზე. ამას გარდა, სრული პასუხისმგებლობა გეკისრებათ ყველა დართული ან თქვენ მიერ მიღებული გადასახადის კომპეტენტური ორგანოებისთვის გადარიცხვაზე. Airbnb ვერ გაგიწევთ კონსულტაციას საგადასახადო საკითხებზე და მას არც აქვს აღნიშნულის უფლება. საჭიროების შემთხვევაში, ან მოთხოვნის საფუძველზე, Airbnb‑ს შეუძლია თქვენთვის დღგ‑ის ინვოისის მომზადება.
Airbnb უფლებამოსილია, ნებისმიერ დროს შეწყვიტოს თქვენი მონაწილეობა პროგრამაში, ნებისმიერი მიზეზით ან მიზეზგარეშე. მხარეთა უფლება‑მოვალეობები, რომლებიც განსაზღვრულია წინამდებარე პირობებში, ძალაში რჩება წინამდებარე ხელშეკრულების მოქმედების ვადის ამოწურვის ან მისი შეწყვეტის შემდეგაც.
Airbnb არცერთ შემთხვევაში არ იქნება პასუხისმგებელი რაიმე სახის ფაქტობრივ, შემთხვევით, საჯარიმო, საჩვენებელ თუ ირიბ ზიანზე, რომელიც დაკავშირებულია წინამდებარე ხელშეკრულებასთან, იმ შემთხვევაშიც კი, თუ ასეთი ზიანის დადგომის შესაძლებლობა წინასწარ ცნობილი იყო. თქვენ წინაშე Airbnb‑ს საერთო პასუხისმგებლობა რეგისტრაციასთან დაკავშირებული სამასპინძლო მომსახურებისთვის დაჯილდოების პროგრამის წინამდებარე პირობებთან დაკავშირებით ვერცერთ შემთხვევაში ვერ გადააჭარბებს იმ საგადახდო ოპერაციების საერთო ოდენობას, რომლებიც Airbnb‑მ თქვენ სასარგებლოდ განახორციელა აღნიშნული პირობების შესაბამისად.
Airbnb იტოვებს უფლებას, საკუთარი შეხედულებისამებრ, ნებისმიერ დროს შეიტანოს ცვლილებები პროგრამაში, განახლებების წინამდებარე გვერდზე გამოქვეყნების გზით. პროგრამაში მონაწილეობის გაგრძელებით ადასტურებთ, რომ ეთანხმებით წინამდებარე პირობებს და დაიცავთ მათ. თუ შეცვლილი პირობები თქვენთვის მიუღებელი აღმოჩნდება, ერთადერთი გამოსავალი იქნება, შეწყვიტოთ პროგრამაში თქვენი მონაწილეობა, რისთვისაც საჭირო იქნება სამასპინძლო მომსახურების წაშლა თანამასპინძელთა ქსელში თქვენი პროფილიდან.
თუ თქვენი საცხოვრებელი ქვეყანა არის ავსტრალია, თქვენზე კვლავ Airbnb‑ს მომსახურების პირობების შესაბამისი დებულებები გავრცელდება და არა რეგისტრაციასთან დაკავშირებული სამასპინძლო მომსახურებისთვის დაჯილდოების პროგრამის წინამდებარე პირობების შემდეგი სექციები: „მონაწილეობის შეწყვეტა“, „პასუხისმგებლობის გამორიცხვა და შეზღუდვა“ და „ცვლილება“.