ჩვენ ვცდილობთ, რომ Airbnb‑ს ვებსაიტი და მობილური აპები შეესაბამებოდეს როგორც ევროპის კანონს ადაპტირებულობის შესახებ, ისე ვებკონტენტის ადაპტირებულობის სახელმძღვანელოს (WCAG) ვერსია 2.1‑ს AA‑დონეზე. კერძოდ, ამ მიზნით:
რეგულარულად იტესტება და ოპტიმიზდება Airbnb‑ს შემდეგი ადაპტირებული ფუნქციები:
მართალია, Airbnb‑ს პლატფორმის ადაპტირებულობაზე მაქსიმალურად ვზრუნავთ, თუმცა მაინც არსებობს გარკვეული შეზღუდვები. ქვემოთ ჩამოთვლილია უკვე ცნობილი შემთხვევები და მათი მოგვარების შესაძლო ხერხები. თუ ქვემოთ აღნიშნულისგან განსხვავებულ პრობლემას აღმოაჩენთ, აუცილებლად დაგვიკავშირდით.
Airbnb‑სთვის ცნობილი შეზღუდვები:
განცხადებათა სურათებს, მომხმარებელთა პროფილების ფოტოებსა და სხვა ატვირთულ სურათებს, შესაძლოა, არ ჰქონდეს აღწერილობები. მასპინძლები დამოუკიდებლად ტვირთავენ სურათებს განცხადებისთვის და, სურვილისამებრ, აღწერილობების დართვაც შეუძლიათ კომპიუტერის ბრაუზერის მეშვეობით. Airbnb არ მოითხოვს აღნიშნულს.
ჩვენ უკვე განვიხილავთ სხვადასხვა ვარიანტს, რომ მომავალში განცხადებათა სურათებისთვის ავტომატურად მომზადდეს აღწერილობები. აღნიშნული მეთოდის გამოყენება შემდეგ შესაძლებელი იქნება სხვა ატვირთული სურათებისთვისაც.
Airbnb‑ს პლატფორმებზე ჩაშენებული კონტენტი, რომელიც გარე მომწოდებლების მიერ არის უზრუნველყოფილი, შესაძლოა, არ იყოს ადაპტირებული, რადგან არ არის აუცილებელი, რომ ის შეესაბამებოდეს ადაპტირებულობის კუთხით ჩვენთან მოქმედ სტანდარტებს. როცა ხარისხის შიდა კონტროლის შედეგად ადაპტირებულობასთან დაკავშირებული პრობლემა იკვეთება, ვუკავშირდებით მომწოდებელს და მის აღმოფხვრას ვთხოვთ.
მომწოდებლებთან გაფორმებული ახალი ხელშეკრულებები WCAG‑ის ვერსია 2.1‑ის AA‑დონეზე შესაბამისობას ითვალისწინებს, თუმცა აღნიშნული არ ვრცელდება ადრე გაფორმებულ ხელშეკრულებებზე.
Airbnb არ ამოწმებს ჩვენი პლატფორმის თავსებადობას პლანშეტებთან. აღნიშნულის გამო, პლანშეტების მომხმარებლები, შესაძლოა, მოულოდნელ შეფერხებებსა და შეზღუდვებს წააწყდნენ.
Airbnb არ ამოწმებს ჩვენი პლატფორმის თავსებადობას საკუთარ მობილურ აპებზე კლავიატურით წვდომისა თუ ბრაილის დისპლეითი სარგებლობის შემთხვევაში. ამის გამო, მომხმარებლები, რომლებიც აღნიშნული მოწყობილობების კომბინაციას იყენებენ ჩვენს საკუთარ აპებთან, შესაძლოა, გარკვეულ პრობლემებს წააწყდნენ.
ხარისხის კონტროლში კლავიატურითა და ბრაილის დისპლეითი წვდომის ტესტირების ჩართვა ამ ეტაპზე არ იგეგმება.
ჩვენი ვებსაიტის შემთხვევაში, ადაპტირებულობასთან დაკავშირებული პარამეტრების დაყენება შესაძლებელია სისტემაში შესვლის შემდეგ. ჩვენი საკუთარი მობილური აპების შემთხვევაში აღნიშნული პარამეტრები ხელმისაწვდომია როგორც სისტემიდან გამოსულ, ისე მასში შესულ მდგომარეობაში.
გვესმის, რომ ადაპტირებულობასთან დაკავშირებული მოთხოვნები მუდმივად იცვლება, თუმცა ქვემოთ წარმოგიდგენთ ნაბიჯებს, რომლებიც უკვე გადავდგით, Airbnb უფრო ადაპტირებული რომ გამხდარიყო.
ჩვენ სიამოვნებით მოვისმენთ თქვენს მოსაზრებებს Airbnb‑ს ციფრულ ადაპტირებულობასთან დაკავშირებით. თუ გამოხმაურება გსურთ, მოგვწერეთ ელფოსტის მისამართზე digital-accessibility@airbnb.com.