წესებისთვის გვერდის ავლის დებულება

როცა ვინმეს Airbnb‑ს გამოყენებაში შეზღუდვას ან აკრძალვას დავუწესებთ, მას არ ექნება უფლება, გვერდი აუაროს ჩვენს გადაწყვეტილებას. ამას გარდა, ჩვენ არ ვაძლევთ საშუალებას სხვა მომხმარებლებს, რომ მათ Airbnb‑ზე წვდომა შეუწყონ აკრძალულ პირებსა თუ კომპანიებს, მათ შორის, თუ ანგარიშები მჭიდროდ არის დაკავშირებული ერთმანეთთან. თუ გავარკვევთ, რომ ანგარიშის მფლობელი წესების გვერდის ავლით სარგებლობს, ხელს უწყობს ამას, ან დიდი ალბათობით, ამისთვის აპირებს, შესაძლოა, მივმართოთ დამატებით პრევენციულ ზომებს, მათ შორის, ანგარიშის წაშლასაც კი.

ქვემოთ მოცემულია რამდენიმე მაგალითი იმისა, რაც ამ წესების თანახმად აკრძალულია:

• ანგარიშის ან განცხადების დუბლირება
  • მომხმარებელს არ აქვს უფლება, შექმნას ანგარიშის ან განცხადების დუბლიკატი, Airbnb‑ს მიერ აღებული ზომრების ან ანგარიშისთვის გათვალისწინებული უარყოფითი შედეგების (მაგალითად, უარყოფითი შეფასებების ან მიმოხილვების) თავიდან ასაცილებლად.
• Airbnb‑ს პლატფორმით სარგებლების ხელშეწყობა მათთვის, ვისაც ეს აკრძალული აქვს
  • თუ Airbnb აკრძალავს ან ზღუდავს რომელიმე პირის წვდომას, მომხმარებელს არ აქვს უფლება, დაეხმაროს მას Airbnb‑ს გამოყენებაში მასპინძლის ან სტუმრის სტატუსით. მაგალითად:
    • თანამასპინძლობა ან თანამოგზაურობა იმ პირებისთვის, რომლებსაც რაიმე მიზეზით ეკრძალებათ პლატფორმის გამოყენება
      
    • ანგარიშის შექმნა ან ჯავშნის გაფორმება იმ პირის სახელით, რომლის ანგარიშიც წაიშალა ან შეიზღუდა
      
    • დაჯავშნა 18 წლამდე ასაკის პირებისთვის