ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.
ინსტრუქცია

ძიების მოქნილი ხერხები

საცხოვრებლის პოვნა თვიურად დასაჯავშნად

გსურთ, შედარებით მეტი ხნით გაჩერდეთ ახალ ადგილას? საცხოვრებლის ერთი ან რამდენიმე თვით საპოვნელად ამიერიდან უფრო მარტივი და მოქნილი საშუალება გაქვთ. საცხოვრებლის თვიურად (მინიმუმ 28 ღამით) დაჯავშნას მრავალი უპირატესობა აქვს: საყოფაცხოვრებო პირობები, რომლებიც თავს შინაურულად გაგრძნობინებთ, ფასდაკლებული ტარიფები და ბევრი სხვა.

მოქმედების პრინციპი

გახსენით „თვეების“ ჩანართი, მიუთითეთ სტუმრობის დაწყების თარიღი და განსაზღვრეთ მისი ხანგრძლივობა ახალი წრიული ხელსაწყოს მეშვეობით.

დასაწყისისთვის შეგიძლიათ აირჩიოთ მიმდინარე დღე, კვირა, თვე ან კონკრეტული თარიღი კალენდრიდან, შემდეგ კი თვეების სასურველი რაოდენობა. სურვილისამებრ, სტუმრობის დაწყებისა და დასრულების თარიღები შეგიძლიათ არც კი მიუთითოთ.

ძიების შედეგებში მოცემული იქნება საცხოვრებლების საშუალო ფასები ერთ თვეზე. თქვენ მიერ მითითებული საძიებო ფილტრების გარდა, განცხადებების გვერდებზე გამოყოფილი იქნება სხვა პოპულარული საყოფაცხოვრებო პირობები გრძელვადიანი სტუმრობებისთვის. ამასთან, პირველი მოცემული იქნება იმ სტუმრების მიმოხილვები, რომლებსაც ესა თუ ის საცხოვრებელი მინიმუმ 28 ღამით ჰქონდათ დაჯავშნილი.

ძიება კატეგორიების მიხედვით

ბარგი უკვე ჩაალაგეთ და ვერ წყვეტთ, სად წახვიდეთ? იდეებისა და სათქვენო ვარიანტების მოძიებაში დაგეხმარებათ Airbnb კატეგორიები — კოლექციები, რომლებიც თავს უყრის უნიკალური სტილის, მდებარეობისა თუ ახლომახლო აქტივობების მიხედვით შერჩეულ საცხოვრებლებს. ამგვარად, მეტი შესაძლებლობა გექნებათ მოგზაურობის კუთხით და მარტივად იპოვით იდეალურ ვარიანტს მილიონობით საცხოვრებლიდან, რომელთა არსებობის შესახებ ადრე არც იცოდით.

მაგალითად, თუ თქვენი საოცნებო ვარიანტები არქიტექტურული შედევრებია (ვთქვათ, ფრენკ ლოიდ რაიტის დიზაინით), გაეცანით კატეგორიას „დიზაინერული“, რომელშიც თავმოყრილია 20 000‑ზე მეტი საცხოვრებელი უნიკალური სტრუქტურითა და ინტერიერით, ბუნებაში დასვენების მსურველებს კი ვთავაზობთ კატეგორიას „ეროვნულ პარკთან“. მისი მეშვეობით მარტივად იპოვით საცხოვრებლებს ისეთ ადგილებთან, როგორიცაა ზაიონის ეროვნული პარკი და დიდი კანიონი.

მოქმედების პრინციპი

კონკრეტული მიმართულების მითითების შემთხვევაში, ძიების შედეგები მოიცავს ყველა შესაბამის განცხადებას. ამას გარდა, ნაჩვენები იქნება კატეგორიები არჩეული მდებარეობის მიხედვით, რაც ახლომდებარე თუ სხვა შესანიშნავი საცხოვრებლების აღმოჩენას გაამარტივებს.

თუ ძიებისას კონკრეტული მიმართულება არ იქნება მითითებული, შესაძლოა, კატეგორიები შეირჩეს სეზონის, მდებარეობის ან სტუმართა ადრინდელი ძიებების მიხედვით.

მოიძიეთ სტუმრობის გაყოფის შესაძლებლობის მიხედვით

გსურთ, გრძელი ვადით სტუმრობის შემთხვევაში ორ სხვადასხვა საცხოვრებელში იცხოვროთ?

სცადეთ სტუმრობის გაყოფა: თქვენთვის სასურველი პერიოდი გაიყოფა ორ სტუმრობად ერთმანეთის მიყოლებით, რაც, თავის მხრივ, შესანიშნავი შესაძლებლობაა, აღმოაჩინოთ სხვადასხვა საცხოვრებელი, უბანი, ზოგიერთ შემთხვევაში კი — მიმართულება.

მაგალითად, სერფინგის კატეგორიაში ძიებისას, შესაძლოა, შემოგთავაზოთ სტუმრობის გაყოფა ორ საცხოვრებელში, რომლებიდანაც ერთი სანტა‑ბარბარაში მდებარეობს, ხოლო მეორე — ლა‑ხოიაში. საცხოვრებლების მდებარეობის საჩვენებლად რუკაზე აისახება მათ შორის მანძილი (ასევე, მითითებული იქნება, რომელს ესტუმრებით პირველად). გაყოფილი სტუმრობის არჩევის შემდეგ მარტივად შეძლებთ თითოეული საცხოვრებლის რიგრიგობით დაჯავშნას.

შეიტყვეთ ვრცლად სტუმრობის გაყოფის წესის შესახებ.

დაგეხმარათ ეს სტატია?

დაკავშირებული სტატიები

მიიღეთ დახმარება ჯავშნებთან, ანგარიშთან და სხვა საკითხებთან დაკავშირებით.
შესვლა ან რეგისტრაცია