თუ Airbnb‑ს მეშვეობით მასპინძლობა გსურთ, მნიშვნელოვანია, გაერკვეთ ადგილობრივ კანონმდებლობაში. ჩვენ გთავაზობთ პლატფორმასა და სავაჭრო სივრცეს, თუმცა არ ვაწვდით იურიდიულ კონსულტაციებს. მიუხედავად ამისა, გვსურს, გაგიზიაროთ გარკვეული ინფორმაცია, რომელიც დაგეხმარებათ, უკეთ გაერკვეთ კანონებსა და სხვა წესებში, რომლებიც ეხება საცხოვრებლების მოკლევადიან გაქირავებას მეინის შტატის ქალაქ პორტლენდში.
ქალაქის რეგულაციების თანახმად, ყველა საცხოვრებელი, რომელშიც მოკლევადიანი (28 ღამეზე ნაკლები ხანგრძლივობის) გაქირავება ხორციელდება, ყოველწლიურად უნდა დარეგისტრირდეს 1 იანვრამდე, ხოლო რეგისტრაცია უნდა განახლდეს ყოველი წლის 31 დეკემბრამდე. საცხოვრებლის მუნიციპალიტეტში რეგისტრაციის შემდეგ, განცხადებაში უნდა მიუთითოთ რეგისტრაციის ნომერი.
მოკლევადიანი გაქირავებისთვის რეგისტრაციისთვის განაცხადის წარდგენა შეგიძლიათ პორტლენდის რეგისტრაციის პორტალის მეშვეობით. ეს ფორმა ყოველწლიურად უნდა შევსდეს რეგისტრაციის განახლებისთვის. ნებართვის გარეშე საქმიანობას შესაძლოა მოჰყვეს ჯარიმები მასპინძლებისთვის. ასევე, რეგისტრაციის ფორმაში მცდარი ინფორმაციის მითითებისთვის გათვალისწინებულია 1 000 $-იანი ჯარიმა.
რეგისტრაციის დასასრულებლად ეწვიეთ ლიცენზირებისა და რეგისტრაციის სამსახურს, რომელიც მდებარეობს მერიის შენობის მე‑3 სართულზე, ოთახში 307 (მისამართი: 389 Congress St, Portland, ME 04101). დამატებითი ინფორმაციისთვის ეწვიეთ მუნიციპალიტეტის ვებსაიტს, დაუკავშირდით housingsafety@portlandmaine.gov‑ს ან დარეკეთ ნომერზე 207 756 8131.
სარეგისტრაციო ნომრის დასამატებლად აირჩიეთ თქვენი განცხადება და გადადით „პარამეტრები > რეგულაციები“‑ზე. თქვენი რეგისტრაციის ნომერი უნდა შეიცავდეს STHR‑ის და 6 ციფრის კომბინაციას, რომელსაც მოჰყვება 4 ციფრი, რომლებიც წელს აღნიშნავს.
ამას გარდა, მნიშვნელოვანია, გაეცნოთ სხვა ხელშეკრულებებსა თუ წესებს, რომლებიც თქვენთვის სავალდებულოა, მაგალითად, საიჯარო ხელშეკრულებებს, კონდომინიუმების საბჭოების ან კოოპერატივების წესებს, სახლის მესაკუთრეთა გაერთიანებების წესებს ან დამქირავებელთა ორგანიზაციების მიერ დადგენილ წესებს, და დაიცვათ ისინი. გაეცანით თქვენს საიჯარო ხელშეკრულებას და, საჭიროებისამებრ, დააზუსტეთ საკითხები მეპატრონესთან.
ჩვენ მზად ვართ, ვითანამშრომლოთ ადგილობრივ ოფიციალურ პირებთან, რათა გავარკვიოთ, როგორ აისახება ადგილობრივი წესები მოკლევადიანი გაქირავების სფეროში ჩართულ პირებზე. ჩვენ განვაგრძობთ იმ ცვლილებების მხარდაჭერას, რომლებიც ადამიანებს საცხოვრებლების გაზიარების საშუალებას მისცემს.