Zoom‑ის გამოყენება ონლაინშთაბეჭდილებების შესათავაზებლად

ბინგო დრაგ‑კუინებთან ერთად, ასტროლოგიის მასტერკლასი, კულინარიული გაკვეთილები იტალიელი ბებიებისგან… ყველა ამ ონლაინშთაბეჭდილებას Zoom აერთიანებს. Zoom დაგჭირდებათ არა მხოლოდ ონლაინმასპინძლობისთვის, არამედ სტუმრებისთვის შეთავაზებული ონლაინშთაბეჭდილების იდეის სადემონსტრაციო ვერსიის ჩასაწერად. ჩამოტვირთვა.

სადემონსტრაციო ვერსიის ჩაწერა

იდეის განსახილველად გადმოგზავნის პროცესში საჭირო იქნება Zoom‑ის გამოყენება და თქვენ მიერ შეთავაზებული შთაბეჭდილების სადემონსტრაციო ვერსიის ჩაწერა. ჩვენ მოგიმზადეთ რჩევები ამ საკითხთან დაკავშირებით.

ვიდეოს ჩაწერა სხვა საშუალებითაც შეგიძლიათ, თუმცა Zoom‑ით სარგებლობას იმიტომ გირჩევთ, რომ თავიდანვე მიეჩვიოთ მის გამოყენებას.

ახალი Zoom ანგარიშის გააქტიურება

ონლაინშთაბეჭდილების იდეის დამტკიცების შემდეგ თქვენი მხრიდან საჭირო იქნება Zoom ანგარიშის გააქტიურება Airbnb შთაბეჭდილების პარამეტრებიდან. ინდივიდუალური Zoom ანგარიში თქვენ მიერ შეთავაზებულ Airbnb შთაბეჭდილებას მიებმება. თუ Zoom ანგარიში უკვე გაქვთ, ახალი ანგარიშისთვის საჭირო იქნება ელფოსტის განსხვავებული მისამართის გამოყენება.

ყველა ნაბიჯის შესრულების შემდეგ Zoom‑ის გააქტიურებას, შესაძლოა, 30 წუთამდე დრო დასჭირდეს.

მასპინძლობა

Zoom შეხვედრის ბმულის პოვნა

თქვენს კალენდარში დაგეგმილი ყოველი Zoom შეხვედრის მონაწილეები მიიღებენ ინდივიდუალურ ბმულს. ის მითითებული იქნება:

• ჯავშნის დამადასტურებელ ელწერილში
• შეხვედრის დაწყებამდე ელფოსტით გაგზავნილ შეხსენებაში

შეხვედრაში მონაწილეობის უფლების მიცემა

Zoom გთავაზობთ მოსაცდელი ოთახის ფუნქციას, რომლის გამოყენებითაც ინდივიდუალურად გააკონტროლებთ, ვინ როდის ჩაერთვება შეხვედრაში.თქვენ ვალდებული არ ხართ, მონაწილეობის უფლება მისცეთ ადამიანს, რომელმაც Zoom შეხვედრის ბმული სხვა მონაწილისგან მიიღო, ჯავშნის ღირებულება კი არ გადაუხდია. ამასთან, მსგავს შემთხვევებში, საკითხების გადაწყვეტის ცენტრის მეშვეობით, შეგიძლიათ მოითხოვოთ დამატებითი ანაზღაურება გაუთვალისწინებელი სტუმრების დასწრებისთვის.

პრობლემების მოგვარება

Zoom‑თან დაკავშირებული პრობლემების შემთხვევაში მიმართეთ Zoom‑ის დახმარების ცენტრს. თუ პრობლემა სტუმარს აქვს, გაუზიარეთ მას ეს სტატია ონლაინშეხვედრებში მონაწილეობის შესახებ.