თაღლითობის და ბოროტად გამოყენების თავიდან აცილება

ჩვენ ვზრუნავთ Airbnb‑ს პლატფორმის საიმედოობაზე და როგორც თაღლითობასთან, ისე ბოროტად გამოყენებასთან დაკავშირებული რისკებისა თუ ზარალის შემცირებაზე, რისთვისაც წესების დამრღვევთა წინააღმდეგ სხვადასხვა ზომას მივმართავთ.

დაშვებულია

• პლატფორმის მიღმა ანგარიშსწორების ცალკეული შემთხვევები: პლატფორმის მიღმა ანგარიშსწორება დასაშვებია მხოლოდ იმ შემთხვევაში, თუ Airbnb წინასწარ გასცემს შესაბამის ნებართვას, სტუმრებს კი ამის შესახებ ჯავშნის გაფორმებამდე ეცნობებათ. ასეთი შემთხვევებია, მაგალითად, დროებითი ბინადრობის ან სხვა ადგილობრივი გადასახადების, ტაიმშერებისა თუ კურორტების „ყოვლისმომცველი“ მომსახურების გადასახადების, საკუთრების დაცულობისთვის განკუთვნილი გირაოს ან ისეთი გაუთვალისწინებელი მოსაკრებლების აკრეფა, როგორიცაა გადასახადი შინაური ცხოველებისთვის, საუზმისთვის ან მომსახურებადი პარკინგით, Wi‑Fi ქსელით, სპორტდარბაზითა თუ სხვა მომსახურებით სარგებლობისთვის.

დაუშვებელია

• გამოძალვა: მასპინძლები და სტუმრები არ უნდა შეეცადონ ამა თუ იმ მიზნის მიღწევას (მაგ., თანხის, მიმოხილვის ან სხვა სარგებლის მიღებას) სხვა პირისა თუ ჯგუფის მიმართ პირდაპირი ან ირიბი მუქარის ძალით.
• პლატფორმის მიღმა მოქმედება: მიუღებელია Airbnb‑ს პლატფორმის მიღმა მასპინძლებსა და სტუმრებს შორის კომუნიკაცია, პირადი საკონტაქტო მონაცემების გაცვლა ან ტრანსაქციების შესრულება, ასევე, მასპინძლების მხრიდან ჯავშნის ღირებულების გადახდის მოთხოვნა.
• სასაჩუქრე ბარათების ბოროტად გამოყენება: მასპინძლები და სტუმრები არ უნდა შეეცადონ Airbnb‑ს სასაჩუქრე ბარათების ბოროტად გამოყენებას. კერძოდ, Airbnb‑თი მოსარგებლე მასპინძლებმა არ უნდა სთხოვონ სტუმრებს ჯავშნის ღირებულების Airbnb‑ს სასაჩუქრე ბარათით გადახდა, ანდა მათთვის სასაჩუქრე ბარათის მონაცემების გამოგზავნა Airbnb‑ს ვებსაიტისა თუ აპის საშუალებით ან სხვა გზით.
• ვაუჩერებისა და გასაწევრიანებლად მოწვევების ბოროტად გამოყენება: მასპინძლებმა თუ სტუმრებმა ბოროტად არ უნდა ისარგებლონ ვაუჩერებითა და გაწევრიანების ან Airbnb.org‑ის პროგრამით.
• თანხის დაბრუნების უსაფუძვლო მოთხოვნა: მასპინძლები და სტუმრები არ უნდა შეეცადონ თანხის დაბრუნებას უსაფუძვლო ან არასწორი მოთხოვნების მეშვეობით.

შეიტყვეთ ვრცლად გადასახადების პირად აკრეფასთან დაკავშირებით მოქმედი წესების შესახებ.

ჩვენ მზად ვართ თქვენ დასახმარებლად

ჩვენი წესების დარღვევის შემჩნევის შემთხვევაში შეგვატყობინეთ.