კარგი მეზობლობა

ურთიერთპატივისცემაზე დამყარებული დამოკიდებულება არ უნდა შემოიფარგლებოდეს მხოლოდ Airbnb‑ს გაერთიანების წევრებით, არამედ ირგვლივ მცხოვრებ ადამიანებზეც ვრცელდებოდეს. აღნიშნული გულისხმობს, რომ არ შეიძლება მეზობლებისთვის დისკომფორტის შექმნა შეკრებებით, ხმაურითა და სხვა ტიპის შემაწუხებელი ქცევით.

დაშვებულია

• მასპინძლების მიერ შემუშავებული წესები: მასპინძლებს ვურჩევთ, მკაფიოდ ჩამოაყალიბონ თავიანთი მოლოდინი სტუმრების მიმართ — კერძოდ, სახლის წესებში, საცხოვრებლის აღწერილობასა და Airbnb‑ს მეშვეობით მიმოწერისას. მინიმალურ სტანდარტებს ჩვენც ვადგენთ, თუმცა მასპინძლებმა თავად უნდა დაურთონ დამატებითი ინფორმაცია თუ მითითებები, რომლებიც კონკრეტულ უბანში ცხოვრებას ეხება.
• მასპინძლობის სფეროს პროფესიონალების მიერ ორგანიზებული ღონისძიებები: მსხვილი ღონისძიებების გამართვა შეუძლიათ მხოლოდ მასპინძლობის სფეროს პროფესიონალებს (მაგალითად, სასტუმროებში, B&B‑ებში და ა.შ.) იმ პირობით, რომ ისინი არ შეაწუხებს გარშემო მცხოვრებ ადამიანებს ან სხვაგვარად არ დაარღვევს საზოგადოებრივ წესრიგს.

დაუშვებელია

• სხვების შემაწუხებელი შეკრებები: გარშემო მცხოვრები ადამიანებისთვის საფრთხის შემქმნელი ან შემაწუხებელი შეკრებები აკრძალულია მონაწილეთა რაოდენობის მიუხედავად. შეიტყვეთ ვრცლად საზოგადოებრივი წესრიგის დარღვევისადმი (მათ შორის, სხვებისთვის შემაწუხებელი წვეულებებისა და ღონისძიებების გამართვისადმი) ჩვენი მიდგომის შესახებ.
• განცხადებები „საწვეულებო საცხოვრებლების“ შესახებ: საცხოვრებლების აღწერილობებსა და სტუმრებისთვის განკუთვნილ სხვა ინფორმაციაში აკრძალულია სხვების შემაწუხებელი შეკრებების, წვეულებების ან ღონისძიებების გამართვის დაშვება თუ სხვაგვარად წახალისება. აღნიშნული შეზღუდვა არ ეხება მასპინძლობის სფეროს პროფესიონალებს.
• საზოგადოებრივი წესრიგის დარღვევა: იკრძალება გარშემო მცხოვრები ადამიანებისთვის დისკომფორტის შემქმნელი ქცევა, მათ შორის, გადაჭარბებული მოწევა მეზობლების თანდასწრებით ან იმ ადგილებში, სადაც მოწევა აკრძალულია. ამას გარდა, მიუღებელია დანაგვიანება, ზედმეტი ხმაური ან მეზობლებისთვის თავიანთ საცხოვრებლებში შესვლაში ხელის შეშლა.

ჩვენ მზად ვართ თქვენ დასახმარებლად

თუ თქვენ ან სხვა პირს საფრთხე დაგემუქრებათ, ან თავს უსაფრთხოდ ვერ იგრძნობთ, პირველ რიგში, მიმართეთ ადგილობრივ სამართალდამცავ ორგანოებს. ამას გარდა, ჩვენი წესების დარღვევის შემჩნევის შემთხვევაში შეგვატყობინეთ.