ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.
წესები
სტუმარი

COVID‑19‑ის გამო გაუქმების ვარიანტები

2020 წლის 14 მარტის ჩათვლით გაფორმებული ჯავშნები

თუ ჯავშანი გააფორმეთ 2020 წლის 14 მარტის ჩათვლით პერიოდში და სტუმრობას COVID‑19‑ის გამო ვერ ახერხებთ, გაუქმებისა და თანხის დაბრუნების ამჟამინდელი ვარიანტების გასაცნობად გადადით ჯავშნის გაუქმების სექციაზე, შემდეგ კი მიზეზად აირჩიეთ COVID‑19‑ის პანდემიის გამო სამოგზაურო გეგმები შემეცვალა.

თქვენი კონკრეტული შემთხვევის მიხედვით, შემდეგი ვარიანტებიდან ერთ‑ერთი ან რამდენიმე გექნებათ:

  • თანხის დაბრუნება მასპინძლის მიერ დადგენილი გაუქმების წესების შესაბამისად
  • თანხის სრულად დაბრუნება (ოფიციალური დოკუმენტაციის შესამოწმებლად გადმოგზავნის პირობით)
  • სამოგზაურო ბონუსის მიღება საპატიო მიზეზების დებულებით გათვალისწინებულ შემთხვევაში
  • მასპინძლისთვის თანხის სრულად დაბრუნების თხოვნა

2020 წლის 14 მარტიდან 2022 წლის 31 მაისამდე პერიოდში გაფორმებული ჯავშნები

თუ ჯავშანი 2020 წლის 14 მარტიდან 2022 წლის 31 მაისამდე პერიოდში გააფორმეთ და სტუმრობას COVID‑19‑ის გამო ვერ ახერხებთ, იმოქმედებს მასპინძლის მიერ დადგენილი გაუქმების წესები. ამასთან, საპატიო მიზეზების დებულება ითვალისწინებს COVID‑19‑ით ინფიცირების შემთხვევებს.

თუ ჯავშნის გაუქმებისთვის თანხის სრულად დაბრუნება არ გეკუთვნით, შეგიძლიათ მისწეროთ მასპინძელს და გაარკვიოთ, თანახმაა თუ არა, დამატებითი თანხა დაგიბრუნოთ საკითხების გადაწყვეტის ცენტრის მეშვეობით.

2022 წლის 31 მაისს ან მომდევნო პერიოდში გაფორმებული ჯავშნები

თუ ჯავშანი 2022 წლის 31 მარტის შემდეგ გააფორმეთ და სტუმრობას COVID‑19‑ის გამო ვერ ახერხებთ, იმოქმედებს მასპინძლის მიერ დადგენილი გაუქმების წესები. საპატიო მიზეზების დებულება არ ითვალისწინებს COVID‑19‑ის გამო გაუქმების შემთხვევებს ამ ჯავშნებისთვის.

სხვა მნიშვნელოვანი ინფორმაცია

ზემოთ მითითებული ინფორმაცია არ ეხება Airbnb Luxe ტიპის ჯავშნებს. მათ შემთხვევაში მოქმედებს ხელახლა დაჯავშნისა და თანხის დაბრუნების წესები Luxe საცხოვრებლებისთვის. 2020 წლის 20 მარტამდე გაფორმებული Luxe ჯავშნებისთვის გაეცანით Airbnb Luxe‑ისთვის COVID‑19‑თან დაკავშირებით მიღებულ ზომებს, შეკითხვებით კი მიმართეთ უშუალოდ თქვენს პირად კონსიერჟს.

განსხვავებული წესები ვრცელდება სამხრეთ კორეის რეზიდენტების მიერ გაფორმებულ ადგილობრივ ჯავშნებზე.

დაგეხმარათ ეს სტატია?

დაკავშირებული სტატიები

მიიღეთ დახმარება ჯავშნებთან, ანგარიშთან და სხვა საკითხებთან დაკავშირებით.
შესვლა ან რეგისტრაცია