რატომ ვერ ვაწესებ ინდივიდუალურ პრომოაქციას ზოგიერთ თარიღში?
ჩვენ ვცდილობთ, მხოლოდ ის ფასები გამოვყოთ, რომლებიც სტუმრებისთვის ნამდვილად მომგებიანი იქნება, ამიტომ ინდივიდუალური პრომოაქციის დაწესება ყველა თარიღში ვერ მოხერხდება. თარიღების შეზღუდვით პრომოაქცია უფრო შესამჩნევი გახდება ძიების შედეგებში და მეტი სტუმრის ყურადღებასაც მიიპყრობს.
მედიანური ფასები
ფასდაკლებების გამოთვლისას ამა თუ იმ თარიღის 60 დღის მედიანური ფასით ვხელმძღვანელობთ. სხვა სიტყვებით რომ ვთქვათ, ზრდადობით ვალაგებთ ყველა ფასს, რომელიც კონკრეტულ თარიღზე დაგიწესებიათ, შემდეგ კი ვიღებთ შუა მნიშვნელობას, რომელსაც მედიანური ეწოდება.
თუ კონკრეტული თარიღისთვის 60 დღის მედიანური ფასის გამოთვლა ვერ მოხერხდება, მას პრომოაქციაში ვერ გავითვალისწინებთ. თარიღი უნდა იყოს:
- ამჟამად განბლოკილი
- განბლოკილი ბოლო 60 დღიდან 28 დღის განმავლობაში
- დღევანდელი თარიღიდან 90‑დღიან პერიოდში
მოქმედების პრინციპი
ვთქვათ, სტუმარს აინტერესებს კონკრეტული ღამე ივნისში, რომელზეც ბოლო 60 დღის განმავლობაში 4 სხვადასხვა ფასი დააწესეთ. ძიებისას ჩვენ გამოვთვლით აღნიშნული ღამის ტიპურ ფასს უკანასკნელი 60 დღის განმავლობაში. ამ მიზნით, ჩვენ შევკრებთ შუაში მოქცეულ 2 ფასს, მიღებულ ჯამს კი 2‑ზე გავყოფთ, მედიანური ფასი რომ მივიღოთ.
ფასი 1: 90 $
ფასი 2: 100 $
ფასი 3: 125 $
ფასი 4: 140 $
მედიანური ფასი: (100 $ + 125 $) / 2 = 112,50 $
ზემოაღნიშნულის შემდეგ მედიანურ ფასს ღამის მიმდინარე ფასს შევადარებთ. თუ მიმდინარე ფასი მინიმუმ 10%‑ით დაბალი აღმოჩნდება, სტუმრობის მსურველისთვის ორივე ფასის შედარებას ავსახავთ.
მაგალითად: 112,50 $ 100 $
თუ ფასი ჩვეულებრივზე მაღალია…
ჩვენ გვსურს, წავახალისოთ მასპინძლები ხელსაყრელი შეთავაზებებისთვის, ამიტომ იმ თარიღებისთვის, რომლებშიც უჩვეულოდ მაღალი ფასებია, მოქმედებს გარკვეული შეზღუდვები. ფასდაკლების გამოთვლისას გათვალისწინებული იქნება ერთი ღამის ის მაქსიმალური ფასი, რომელსაც სტუმრები იხდიდნენ თქვენ მიერ განთავსებული საცხოვრებლის დაჯავშნისას გასული წლის განმავლობაში.
მოქმედების პრინციპი
- ვთქვათ, გსურთ, დააწესოთ ფასდაკლება ღამეზე, რომლის ღირებულებაა 500 $
- მაქსიმალური ფასი ერთ ღამეზე, რომელსაც სტუმრები იხდიდნენ თქვენ მიერ განთავსებული საცხოვრებლის დაჯავშნისას გასული წლის განმავლობაში, იყო 300 $
- აქედან გამომდინარე, ფასდაკლება გამოითვლება 300$‑ის და არა 500$‑ის საფუძველზე
დაკავშირებული სტატიები
რას გულისხმობს Airbnb შთაბეჭდილებების ბეტა-ტესტირების პროგრამა?
Airbnb შთაბეჭდილებების ბეტა‑ტესტირების პროგრამის ფარგლებში სტუმრებს შეუძლიათ ახალი შთაბეჭდილებების გამოცდა (როგორც ფიზიკური მონაწილეობით, ის…- მასპინძელი
რატომ გამიუქმდა პრომოაქცია?
შესაძლოა, ზოგიერთი პრომოაქცია გავაუქმოთ, თუ დავადგენთ, რომ ფასდაკლებული ფასი შეცდომაში შემყვანია. - მასპინძელი
რატომ ვერ ვქმნი ინდივიდუალურ პრომოაქციებს?
ინდივიდუალური პრომოაქციები არ ვრცელდება Luxe ტიპის საცხოვრებლებსა და სასტუმროებზე. ამას გარდა, კრიტერიუმების დასაკმაყოფილებლად, საცხოვრებელი…