თუ დამატებითი დახმარება გჭირდებათ მომსახურების ან შთაბეჭდილების მართვაში, შეგიძლიათ მოიწვიოთ თანამასპინძელი.
თითოეულ თანამასპინძელს აქვს სრული წვდომა იმ მომსახურების ან შთაბეჭდილების განცხადებაზე, რომელთან დაკავშირებითაც მას მოიწვიეს, რაც ნიშნავს, რომ მას შეუძლია განცხადების განახლება, დაჯავშნის მოთხოვნებზე დათანხმება ან მათი უარყოფა, კალენდრის ნახვა, თარიღებისა და დროის მართვა და ნებისმიერ სტუმართან მიმოწერა.
ის ასევე გამოჩნდება თანამასპინძლად თქვენს განცხადებაში და შეძლებს მომსახურების ან შთაბეჭდილების ორგანიზებას, როცა წარმოადგენს შესაბამისი ლიცენზიების, სერტიფიკატების და სადაზღვევო პოლისების ასლებს. ვრცლად მასპინძლობის მომსახურებებისა და შთაბეჭდილებების შეთავაზების წესების შესახებ.
როდესაც თქვენს მომსახურებას ან შთაბეჭდილებას თანამასპინძელს დაამატებთ, ორივე მიიღებთ დამადასტურებელ ელწერილს.
როდესაც თქვენი თანამასპინძელი მიიღებს მოწვევას ელფოსტით ან SMS‑ით, მას მოუწევს მისი მიღება. ამისთვის მას დასჭირდება Airbnb ანგარიშის შექმნა და ვინაობის დადასტურება.
თუ ის მასპინძლობაში დაგეხმარებათ, ასევე, საჭირო იქნება, რომ მოგაწოდოთ ინფორმაცია თავისი გამოცდილების შესახებ — მაგალითად, რამდენი წელია, რაც მასპინძლობს, რა სერტიფიკატები ან კვალიფიკაცია აქვს და რა მნიშვნელოვანი მიღწევები აქვს კარიერაში.
შთაბეჭდილების ტიპისა და მდებარეობის მიხედვით, მას, შესაძლოა, ასევე, დასჭირდეს ლიცენზიების ან დაზღვევის დამადასტურებელი დოკუმენტების ატვირთვა.
თანამასპინძლის წაშლა შეგიძლიათ ნებისმიერ დროს.
თუ თანამასპინძელი გეხმარებათ მომსახურების მართვაში, აუცილებლად წარუდგინეთ ის სტუმრებს მიმოწერაში, რომ მათ იცოდნენ, ვის ელოდონ დაბინავებისას.