თუ გსურთ, გახდეთ Airbnb მასპინძელი, მნიშვნელოვანია, გაერკვეთ ადგილობრივ კანონმდებლობაში. ჩვენ გთავაზობთ პლატფორმას და გაყიდვების ადგილს, მაგრამ არ გიწევთ იურიდიულ კონსულტაციას. მიუხედავად ამისა, გვსურს, გაგიზიაროთ გარკვეული ინფორმაცია, რომელიც დაგეხმარებათ, გაერკვეთ კანონებსა და სხვა წესებში, რომლებიც ეხება მოკლევადიან გაქირავებას სპრინგფილდში (მისური, აშშ). ამ სტატიაში მოცემული ინფორმაცია არ არის ამომწურავი, მაგრამ ის დაგეხმარებათ, დაიწყოთ ადგილობრივი კანონმდებლობის შესახებ კვლევა. შეკითხვების შემთხვევაში შეგიძლიათ დაუკავშირდეთ სპრინგფილდის მუნიციპალიტეტის თანამშრომლებს ტელეფონით ან ელფოსტით, ან სხვა ადგილობრივ სპეციალისტს, მაგალითად, ადგილობრივ იურისტს ან საგადასახადო კონსულტანტს.
სპრინგფილდში მოქმედებს წესები და რეგულაციები, რომლებიც განსაზღვრავს მინიმალურ სტანდარტებს მშენებლობის, დიზაინის, ტექნიკური მომსახურების, საცხოვრებლობისთვის ვარგისიანობის, ჯანმრთელობისა და უსაფრთხოების კუთხით. თქვენს საცხოვრებელ ობიექტზე, შესაძლოა, ვრცელდებოდეს საცხოვრებელი და არასაცხოვრებელი დანიშნულების ობიექტებისთვის მოქმედი გარკვეული რეგულაციები.
სპრინგფილდში, თუ გეგმავთ, სტუმრებს თქვენი საცხოვრებელი ზედიზედ 30 დღეზე ნაკლები ვადით გაუმასპინძლოთ, დაგჭირდებათ მოკლევადიანი გაქირავების ლიცენზია.
არსებობს მოკლევადიანი გაქირავების (STR) ლიცენზიის სამი ტიპი, რომელთაგან თითოეული საჭიროებს საქმიანობის ლიცენზიას. ამას გარდა, მე‑2 ტიპის STR საცხოვრებლების გასაქირავებლად საჭიროა სპეციალური ნებართვა.
1‑ელი ტიპის STR‑ები დასაშვებია ყველა ზონირების რაიონში და განკუთვნილია ოპერატორის მიერ დაკავებული საცხოვრებელი ობიექტებისთვის ან ისტორიული საცხოვრებელი ფლიგელებისთვის, როგორც ეს დაშვებულია სპრინგფილდის ზონირების დადგენილებით.
მე‑2 ტიპის STR‑ები დასაშვებია R‑SF ან R‑TH ზონებში და განკუთვნილია საცხოვრებელი ფართებისთვის, რომლებშიც ოპერატორი არ ცხოვრობს, კანონიერი დამხმარე ბინებისთვის ან ისტორიული კარეტის სახლებისთვის. მე‑2 ტიპის STR‑ებზე ვრცელდება სიმჭიდროვის შეზღუდვები.
მე‑3 ტიპის მოკლევადიანი გაქირავების ლიცენზიები დაშვებულია R‑SF‑სა და R‑TH‑ს გარდა ყველა სხვა ზონირების რაიონში და განკუთვნილია საცხოვრებელი ობიექტებისთვის, რომლებშიც არ ცხოვრობს ოპერატორი.
ლიცენზირების გადასახადები ეფუძნება მთლიან შემოსავალს და, როგორც წესი, მერყეობს 25 აშშ დოლარიდან (წლიური მთლიანი შემოსავალი 0‑10 000 აშშ დოლარი) 105 აშშ დოლარამდე (წლიური მთლიანი შემოსავალი 200 000 აშშ დოლარი) წელიწადში. მე-2 ტიპის სპეციალური ნებართვისთვის საჭიროა საწყისი გადასახადის — 350 $ — გადახდა.
სპრინგფილდში მოკლევადიანი გაქირავების მასპინძლებისთვის დაწესებულია რამდენიმე საოპერაციო მოთხოვნა. დაიცავით ეს მოთხოვნები, რომ თქვენი ლიცენზია კარგ მდგომარეობაში დარჩეს. გაეცანით დადგენილების სრულ ტექსტს.
მასპინძლებს უნდა ესმოდეთ და დაიცვან სხვა ხელშეკრულებები ან წესები, რომლებიც მათზე ვრცელდება, მათ შორის, იჯარის ხელშეკრულებები, კოოპერატივის წესები, ბინათმესაკუთრეთა ასოციაციის წესები ან მოიჯარეების ორგანიზაციების მიერ დადგენილი სხვა წესები. დამატებითი ინფორმაციის მისაღებად შეგიძლიათ დაუკავშირდეთ საცხოვრებელი ფონდის კომპეტენტურ ორგანოს (მაგალითად, სათემო საბჭოს) ან მეპატრონეს. ასევე, კონკრეტული დეტალები, შესაძლოა, მითითებული იყოს თქვენს საიჯარო (ან სხვა ტიპის) ხელშეკრულებაში.
ჩვენ მზად ვართ, ვითანამშრომლოთ ადგილობრივ ოფიციალურ პირებთან, რათა განვმარტოთ, როგორ აისახება ადგილობრივი წესები მოკლევადიანი გაქირავების სფეროზე. ჩვენ კვლავაც ვითანამშრომლებთ იმ ცვლილებების გატარებაზე, რომლებიც ადამიანებს საცხოვრებლის გაქირავების საშუალებას მისცემს.