იმ ადამიანების დასახმარებლად, რომლებიც სტიქიური უბედურების შედეგად დაზარალდნენ, Airbnb.org‑ის მეშვეობით უფასო, დროებითი საცხოვრებლის მიღების შესაძლებლობა რომ ჰქონდეთ, მასპინძლებს შეუძლიათ თითოეული ანაზღაურებიდან გარკვეული პროცენტის გაღება თავიანთი Airbnb ანგარიშების მეშვეობით.
მასპინძლის ანაზღაურებიდან თანხის გაღების ფუნქციის გასააქტიურებლად გადადით თქვენი ანგარიშის „გადახდებისა და ანაზღაურების“ სექციაზე. მასპინძლების ანაზღაურებიდან თანხის გაღება ამჟამად ხელმისაწვდომია ზოგიერთ ქვეყანაში, მაგრამ არა ყველგან.
ერთჯერადი ან ყოველთვიური თანხის გასაღებად ეწვიეთ Airbnb.org‑ს
მასპინძლის ანაზღაურებიდან Airbnb.org‑ის სასარგებლოდ გაღებული თანხის პროცენტული წილის მართვის მიზნით, ნებისმიერ დროს შეგიძლიათ შეაჩეროთ, ჩაასწოროთ ან გააუქმოთ გაღებული თანხის პროცენტული წილი. გადადით თქვენი ანგარიშის „გადახდებისა და ანაზღაურების“ სექციაზე.
შემოწირულობის პროცენტული წილის შეცვლა შეგიძლიათ მანამ, სანამ Airbnb არ დაიწყებს ჯავშნისთვის ანაზღაურების გაცემის პროცესს, რაც, როგორც წესი, ხდება სტუმრის გასვლიდან ერთ დღეში.
შემოწირულობის გაღების დაწყების/შეწყვეტის ან თითოეული ანაზღაურებიდან გაღებული პროცენტის შეცვლისთვის:
თქვენი შემოწირულობის 100% პირდაპირ საგანგებო სიტუაციებში საცხოვრებლის უზრუნველსაყოფად იხმარება. Airbnb არ იღებს შემოსავალს Airbnb.org‑ის ფარგლებში გაფორმებული ჯავშნებიდან.
ვინაიდან Airbnb.org‑ის ყველა საოპერაციო ხარჯს Airbnb ფარავს, ყველა შემოწირულობის 100% გამოიყენება სტიქიური ან სხვა საგანგებო sიტუაციების შედეგად დაზარალებული ადამიანებისთვის უფასო, დროებითი საცხოვრებლის უზრუნველსაყოფად.
Airbnb.org‑ის სტუმრები უფასოდ რჩებიან, Airbnb კი ამ სტუმრობებზე არ იღებს შემოსავალს.
Airbnb.org არის საჯარო საქველმოწარმოო ორგანიზაცია 501(c)(3) კატეგორიის მიხედვით. Airbnb.org‑ისთვის გაღებული ფულადი შემოწირულობები აშშ‑ში, ასევე, მექსიკის ფისკალურ რეზიდენტებისთვის, კანონით დაშვებულ ფარგლებში, ექვემდებარება საგადასახადო გამოქვითვას. გაღებული თანხები არ შეესაბამება გაერთიანებულ სამეფოში მოქმედ პროგრამას „Gift Aid“ და არ ექვემდებარება საგადასახადო გამოქვითვას ევროკავშირსა თუ ახალ ზელანდიაში. გაეცანით ადგილობრივ საგადასახადო კანონმდებლობას.
თქვენ მიიღებთ ელფოსტით ქვითარს, რომელიც ადასტურებს თქვენს შემოწირულობას.
თქვენი შემოწირულობა ავტომატურად შეგროვდება მასპინძლისთვის ანაზღაურების გაცემის დაწყებისას და გამოითვლება თითოეული ანაზღაურების პროცენტის სახით, რომელიც ადრე დააწესეთ.
ვინაიდან შემოწირულობები დაკავშირებულია ანაზღაურებასთან, მათი პოვნა შეგიძლიათ თქვენს ტრანსაქციების ისტორიაში, დასრულებულ ანაზღაურებებში. ისინი ასევე აისახება ანაზღაურების დამადასტურებელ ელწერილშიც.
ანაზღაურების გაცემის დაწყების შემდეგ შემოწირულობების დაბრუნება ვერ მოხერხდება.
Airbnb.org‑ისთვის გაღებული შემოწირულობები გამოიყენება სტიქიური უბედურებების ან კრიზისული ვითარებების დროს ადამიანებისთვის საგანგებო საცხოვრებლით უზრუნველსაყოფად.
ბონუსების გასანაწილებლად ან საცხოვრებლის დასაჯავშნად Airbnb.org თანამშრომლობს არაკომერციულ ორგანიზაციებთან, რომლებიც განსაზღვრავენ, რომელ ოჯახებს, პირებს ან მაშველებს სჭირდებათ დახმარება.
თუ შემოწირულობას გაიღებთ, Airbnb.org‑მა, შესაძლოა, რეგულარულად მოგაწოდოთ ინფორმაცია იმ საქმიანობის შესახებ, რომელსაც თქვენი შემოწირულობა ეხმარება.
მასპინძლების კუთვნილი ანაზღაურებიდან თანხის გაღების პროგრამაში მონაწილეობაზე თანხმობის განცხადების შემდეგ, თქვენს მასპინძლის პროფილში გამოჩნდება Airbnb.org‑ის მხარდამჭერის ნიშანი.
ნიშანი გამოჩნდება მხოლოდ იმ შემთხვევაში, თუ ამჟამად აქტიური განცხადებები გაქვთ და თუ განცხადებაში მთავარი მასპინძელი ხართ, და არა თანამასპინძელი. ის გამოჩნდება მხოლოდ იმ მასპინძლების პროფილებზე, რომლებიც ანგარიშიდან თანხას იღებენ და შემოწირულობას იხდიან, ან რომლებიც მინიმუმ ერთ საცხოვრებელზე მუდმივ ფასდაკლებას სთავაზობენ Airbnb.org‑ის სტუმრებს.
ამ ეტაპზე შემოწირულობების გაღება შესაძლებელია ნებისმიერი განცხადებისთვის გაცემული ანაზღაურებიდან, გარდა იმ შემთხვევებისა, როცა გამოყენებულია ანაზღაურების გაყოფა. განცხადებაში შემოწირულობების გაღების შესაძლებლობის უზრუნველსაყოფად შეგიძლიათ ჩაასწოროთ გადანაწილების წესები და გააუქმოთ ანაზღაურების გაყოფა, რის შემდეგაც ამ განცხადებასთან დაკავშირებული ყველა ანაზღაურება ერთ გადახდად გაიცემა.
ვრცლად ანაზღაურების გაყოფის და Airbnb.org‑ისთვის გაღებული შემოწირულობების წესებისა და პირობების შესახებ.