თუ სტუმრობისას პრობლემა შეგექმნათ…

პრობლემა მასპინძელს ან Airbnb‑ს უნდა შეატყობინოთ მისი აღმოჩენიდან 72 საათის განმავლობაში.

დოკუმენტურად დაასაბუთეთ პრობლემა და მისწერეთ მასპინძელს

სამოქმედო რჩევები:

• დოკუმენტურად დაასაბუთეთ პრობლემა: შეძლებისდაგვარად, გადაიღეთ ფოტო‑ ან ვიდეომასალა, რომლითაც დადასტურდება, რომ კონკრეტული საყოფაცხოვრებო პირობა თუ ნივთი არ დაგხვდათ ან არ მუშაობს.
• მისწერეთ მასპინძელს: თუ სტუმრობისას რაიმე პრობლემა შეგექმნებათ, პირველ რიგში, მიმართეთ მასპინძელს. ის, სავარაუდოდ, მარტივად მოგიგვარებთ ყველაფერს. მასპინძლისთვის მიწერა პირდაპირ შეგიძლიათ.
• მოითხოვეთ თანხის დაბრუნება: თანხის დაბრუნების მოთხოვნას მასპინძელი უფრო დიდი ალბათობით დაგიკმაყოფილებთ, თუ ჯერ დასაბრუნებელი თანხის ოდენობაზე შეთანხმდებით. თანხის დაბრუნების მოთხოვნით მასპინძელს შეგიძლიათ მიმართოთ საკითხების გადაწყვეტის ცენტრის მეშვეობით, რა დროსაც პრობლემის დეტალურად აღწერისა და ფოტო‑/ვიდეომასალის დართვის საშუალება გექნებათ.

მიმართეთ დახმარებისთვის Airbnb‑ს

ჩვენი სურვილია, მასპინძლებმა და სტუმრებმა ყველაფრის თავად მოგვარება შეძლონ, თუმცა გვესმის, რომ ეს ყოველთვის ვერ ხერხდება. თუ მასპინძელი პრობლემას ვერ გიგვარებთ, საერთოდ არ გპასუხობთ, ან თანხის დაბრუნებაზე უარს გეუბნებათ, მოგვმართეთ — ამისთვის ჯავშნის გვერდიდან დაწკაპუნებით ან შეხებით აირჩიეთ „დახმარების მიღება“. ჩვენი გუნდის ერთ‑ერთი წევრი ჩაერთვება საკითხის გადაჭრის პროცესში.

თუ გაირკვევა, რომ თქვენს შემთხვევას ითვალისწინებს AirCover სტუმრებისთვის, ჩვენ დაგეხმარებით მსგავსი საცხოვრებლის პოვნაში დაახლოებით იმავე ფასად (ხელმისაწვდომობის მიხედვით). თუ ალტერნატიული ვარიანტი ვერ მოიძებნება, ან ჯავშნის ხელახლა გაფორმებას არ მოისურვებთ, სრულად ან ნაწილობრივ დაგიბრუნებთ თანხას.