კონტენტზე გადასვლა
    შემოთავაზებულ შედეგებზე წვდომისთვის გადადით წინ
    ახალი ინფორმაცია COVID-19-თან დაკავშირებით
    გაუქმებისა და თანხის დაბრუნების ვარიანტების გასაცნობად აირჩიეთ შესაბამისი ჯავშანი „მოგზაურობების“ გვერდიდან. საპატიო მიზეზების დებულება მხოლოდ კონკრეტულ ჯავშნებზე ვრცელდება. მას ყოველი თვის 1-ლ და 15 რიცხვში ვაახლებთ.

    როგორ დავიცვა თავი ხანძრისა და მხუთავი აირისაგან მოგზაურობის დროს?

    ყველა სახლი უნდა იყოს უსაფრთხო. ჩვენ ვურჩევთ მასპინძლებს, დაამონტაჟონ კვამლისა და მხუთავი აირის დეტექტორები თავიანთ საცხოვრებლებში, მაგრამ ასევე მნიშვნელოვანია, რომ სტუმრებიც ყურადღებით იყვნენ და მიიღონ ყველა საჭირო უსაფრთხოების ზომა მოგზაურობისას.

    Airbnb-ზე საცხოვრებლის დაჯავშნისას თქვენ უნდა მიაქციოთ ყურადღება, მითითებულია თუ არა განცხადებაში კვამლისა და მხუთავი არისი დეტექტორის არსებობა საცხოვრებელში. ამის შესახებ ინფორმაციას ნახავთ განცხადების გვერდზე საყოფაცხოვრებო პირობების ქვეშ.

    მხუთავი აირის დეტექტორებს არც ისე ხშირად იყენებენ მსოფლიოს ბევრ ქვეყანაში, ამიტომ გირჩევთ, რომ შეიძინოთ ასეთი დეტექტორი და თან იქონიოთ მოგზაურობისას, განსაკუთრებით, თუ ისეთ ადგილს სტუმრობთ, სადაც აღნიშნული დეტექტორი არ ფიქსირდება. აი, როგორი შეიძლება იყოს პორტატული მხუთავი აირის დეტექტორი.

    უსაფრთხოების ინფორმაცია ამერიკული წითელი ჯვრისგან

    ნახშირბადის მხუთავი აირი არის უხილავი, უსუნო, უფერული გაზი, რომელიც წარმოიქმნება საწვავის (როგორიცაა ბენზინი, ხე, ნახშირი, ბუნებრივი აირი, პროპანი, ნავთობი და მეთანი) არსრულად წვის დროს. მისი წარმოქმნა შესძლებელია ისეთი მოწყობილობების მოხმარებისას, რომლებიც საწვავს იყენებენ (მაგ.: ღუმელი, ქურა, წყლის გამათბობელი ან ოთახის გათბობა) — მხუთავი აირის მაღალი შემცველობა კი შესაძლოა ფატალური იყოს. როგორ შეგიძლიათ თადარიგის დაჭერა:

    • არასოდეს გამოიყენოთ გენერატორი, გრილი, პორტატული ღუმელი ან სხვა ბენზინის, პროპანის, ბუნებრივი აირისა თუ ნახშირბადის მოხმარების მოწყობილობები სახლში, ავტოფარეხში, სარდაფში, საკუჭნაოში ან ნახევრად შემოსაზღვრულ ტერიტორიაზე.
    • მსგავსი მოწყობილობები უნდა იყოს გარეთ — კარებიდან, ფანჯრებიდან და სავენტილაციო ხვრელებიდან შორს, რათა მხუთავმა აირმა არ შემოაღწიოს შენობაში.
    • კარებისა და ფანჯრების გაღება და ვენტილატორების ჩართვა მხუთავი აირის სახლში დაგროვებას ხელს ვერ შეუშლის. მიუხედავად იმისა, რომ მხუთავ არის არ აქვს სუნი და არ ჩანს, ის ძალიან სწრაფად იწვევს მოძრაობის უნარის დაკარგვას და შემდეგ სიკვდილს. მაშინაც კი, თუ ვერ იგრძნობთ გამონაბოლქვის სუნს, თქვენ შესაძლოა აღმოჩნდეთ მხუთავი აირის ზემოქმედების ქვეშ. გენერატორის გამოყენებისას თუ იგრძნობთ გულისრევას, თავბრუსხვევას ან სისუსტეს, დაუყოვნებლივ გადით სუფთა ჰაერის ჩასასუნთქად — არ გადადოთ.
    • მხუთავი აირის სიგნალიზაცია* უნდა იყოს დამონტაჟებული თქვენი საცხოვრებლის ყველა სართულზე, ცენტრალურ ადგილას და საძინებლების შესასვლელთან, რომ ადრეულ ეტაპზე მიიღოთ მხუთავი აირის მოგროვების შესახებ გაფრთხილება.
    • ბატარეები უნდა შემოწმდეს ხშირად და საჭიროების შემთხვევაში, გამოიცვალოს.
    • თუ მხუთავი აირის დეტექტორის სიგნალს გაიგებთ, სასწრაფოდ გადით გარეთ ან დადექით ღია ფანჯარასთან/კართან სუფთა ჰაერის ჩასასუნთქად. მხუთავი აირის დეტექტორის სიგნალიზაციის იგნორირება დაუშვებელია; გაზი სასიკვდილოა და მისი დაგროვების შემთხვევაში, აუცილებელია სუფთა ჰაერის ჩასუნთქვა. უსაფრთხო მდებარეობიდან დარეკეთ ადგილობრივ საგანგებო სიტუაციების სამსახურში და დახმარების მოსვლამდე დარჩით ადგილზე.

    დამატებითი ინფორმაციისთვის გადადით ბმულზე www.redcross.org/homefires.

    * საერთაშორისო აუდიტორიასთან კომუნიკაციის მიზნით, Airbnb ხშირად იყენებს ტერმინებს „სიგნალიზაცია“ და „დეტექტორი“ ერთმანეთის შემცვლელად.

    ამერიკული წითელი ჯვრის სახელწოდება, ემბლემა და საავტორო უფლებებით დაცული მასალა გამოიყენება ორგანიზაციის ნებართვით, რაც არავითარ შემთხვევაში არ წარმოადგენს პროდუქტის, მომსახურების, კომპანიის, შეხედულებისა თუ პოლიტიკური პოზიციის პირდაპირ ან ნაგულისხმევ მხარდაჭერას. ამერიკული წითელი ჯვრის ლოგო არის რეგისტრირებული სავაჭრო ნიშანი და მისი მფლობელია ამერიკის ეროვნული წითელი ჯვარი. დამატებითი ინფორმაციისთვის ამერიკული წითელი ჯვრის შესახებ გადადით ბმულზე redcross.org.

    მიიღეთ სათანადო დახმარება?