Airbnb‑ს ვალდებულება, უზრუნველყოს ადაპტირებული და ინკლუზიური გარემო შშმ პირებისთვის

ჩვენი ვებსაიტისა და აპის ადაპტირებულობა

ჩვენი ვებსაიტისა და აპის ციფრული ადაპტირებულობისთვის სამ ძირითად მექანიზმს ვიყენებთ. ესენია:

• ინჟინერთა, დიზაინერთა და ტექნიკური პროგრამების მენეჯერთა ფუნქციათაშორისი გუნდები, რომლებიც კონცენტრირებული არიან ისეთი პროდუქტების შექმნაზე, რომელთა გამოყენებაც ყველას შეუძლია;
• ციფრული პროდუქტების შემუშავების იმ სტანდარტების დაცვა, რომლებიც განმარტებულია ვებკონტენტის ადაპტირებულობის სახელმძღვანელოში;
• ადაპტირებული გარემოს საჭიროების მქონე ადამიანთა გამოცდილების შესწავლა, რაც ხელს გვიწყობს პროდუქტების შემუშავებასა და გაუმჯობესებაში.

ადაპტირებული პირობების მქონე საცხოვრებლები

მასპინძლებს საშუალება აქვთ, საგანგებოდ აღნიშნონ საცხოვრებელში არსებული ადაპტირებული პირობები და მიუთითონ საგულისხმო ინფორმაცია, რომლის საფუძველზეც სტუმრობის მსურველები შემდეგ გადაწყვეტენ, რამდენად შეესაბამება საცხოვრებელი მათ საჭიროებებს.

ადაპტირებული პირობები მოიცავს, მაგალითად, უსაფეხურო შესასვლელს საცხოვრებელ სივრცესა და მის ცალკეულ ოთახებში, კარების 81 სმ‑ზე განიერ ღიობებსა და სხვადასხვა ტიპის დამატებით პირობას სააბაზანო ოთახში (უსაფეხურო საშხაპეს, საშხაპის სკამს, ხელის მოსაჭიდ მილებსა და ა.შ.). მასპინძლებს, რომლებიც თავიანთ განცხადებებში ადაპტირებულ პირობებს მიუთითებენ, დასჭირდებათ თითოეული პირობის ამსახველი მინიმუმ ერთი ფოტოს ატვირთვა. აღნიშნულ ფოტოებს შემდეგ ჩვენი გუნდის წევრები შეამოწმებენ სახელმძღვანელო მითითებებთან შესაბამისობაზე.

სტუმრობის მსურველებს შეუძლიათ ძიების შედეგების გაფილტვრა მათთვის საჭირო ადაპტირებული პირობების მიხედვით. ამას გარდა, სტუმრობის მსურველთათვის ხელმისაწვდომია კატეგორია „ადაპტირებული“, რომელშიც თავმოყრილია უნიკალური საცხოვრებლები დადასტურებული ადაპტირებული პირობებით — მაგალითად, უსაფეხურო შესასვლელით საცხოვრებელ სივრცესა და მინიმუმ ერთ საძინებელსა და სააბაზანოში, პლუს დამატებითი ადაპტირებული კეთილმოწყობით სააბაზანოში.

ადაპტირებული პირობების მქონე შთაბეჭდილებები

შთაბეჭდილებების შესახებ განცხადებებში მასპინძლებს საშუალება აქვთ, საგანგებოდ მიუთითონ გადაადგილებასთან, კომუნიკაციასა და სენსორიკასთან დაკავშირებული სხვადასხვა პირობა, რომელთა შეთავაზებაც შეუძლიათ შესაბამისი საჭიროებების მქონე სტუმრებისთვის.

აღნიშნული, მაგალითად, მოიცავს ამა თუ იმ ადგილის საყოველთაო მისაწვდომობას, ჟესტურ ენაზე კომუნიკაციის შესაძლებლობას, ან მშვიდად განმარტოებისთვის განკუთვნილი სივრცის არსებობას. მსგავსი ინფორმაცია დაეხმარება სტუმრობის მსურველებს გადაწყვეტილების მიღებაში ჯავშნის გაფორმებასთან დაკავშირებით. განცხადებაში დამატებული თითოეული პირობისთვის საჭირო იქნება დეტალური აღწერილობის შედგენა Airbnb‑ს სახელმძღვანელო მითითებების შესაბამისად. ამას გარდა, მასპინძლებს შეუძლიათ, უფასოდ მონაწილეობის საშუალება მისცენ შეზღუდული შესაძლებლობების მქონე სტუმრების დამხმარე პირებს.

როგორც საცხოვრებლების შემთხვევაში, სტუმრობის მსურველებს შთაბეჭდილებების ძიების შედეგების გაფილტვრაც შეუძლიათ მათთვის საჭირო ადაპტირებული პირობების მიხედვით.

დამხმარე ცხოველები

მასპინძლები არ უნდა იყვნენ დამხმარე ცხოველთან ერთად სტუმრობის წინააღმდეგი (იმ შემთხვევაშიც კი, თუ ისინი შინაურ ცხოველებთან ერთად სტუმრობას ზოგადად კრძალავენ). გამონაკლისია სულ რამდენიმე შემთხვევა, როცა ამით საფრთხე ექმნება მასპინძელთა ჯანმრთელობას ან უსაფრთხოებას. შეიტყვეთ ვრცლად დამხმარე ცხოველების მიმართ მოქმედი წესების შესახებ.

ანტიდისკრიმინაციული პოლიტიკა

Airbnb‑ს გაერთიანება ეფუძნება წინასწარგანწყობებისგან თავისუფალი დამოკიდებულებისა და ერთმანეთის პატივისცემის პრინციპებს. სწორედ ამიტომ, ჩვენთან მიუღებელია ნებისმიერი სახის დისკრიმინაცია, რაც უფრო ვრცლად განმარტებულია ანტიდისკრიმინაციული პოლიტიკის გვერდზე. მასპინძელთა მხრიდან სტუმრების დისკრიმინაცია ან სტუმრობის მსურველთათვის უარის თქმა მათი შეზღუდული შესაძლებლობის გამო ყოვლად დაუშვებელია. გთხოვთ, შეგვატყობინოთ Airbnb‑ზე დისკრიმინაციის ნებისმიერი გამოვლინების შესახებ.

დაგვიკავშირდით

ჩვენ მუდმივად ვცდილობთ, Airbnb‑ს პლატფორმა უფრო ადაპტირებულად ვაქციოთ. თუ შეკითხვები გაქვთ, ან გსურთ, რაიმე გაგვიზიაროთ, დაუკავშირდით ჩვენი გუნდის ერთ‑ერთ წევრს.