ადაპტირებული პირობების მქონე საცხოვრებლების პოვნა
ჩვენ გვჯერა, რომ ნებისმიერი ადამიანი უცხო გარემოშიც კი თავს შინაურად უნდა გრძნობდეს, ამიტომ ვცდილობთ, მაქსიმალურად გავუმარტივოთ მოგზაურობა ადაპტირებული პირობების საჭიროების მქონე სტუმრებს.
ახლა შეგიძლიათ მოიძიოთ საცხოვრებლები, რომლებშიც არის ფართო შესასვლელები, უსაფეხურო სივრცეები და სხვა ადაპტირებული პირობები, რომლებიც გჭირდებათ.
ადაპტირებული პირობები
ძიების შედეგების გაფილტვრა შეგიძლიათ შემდეგი პირობების მიხედვით:
- უსაფეხურო წვდომა;
- სტუმრების შესასვლელი (მინიმუმ 81 სმ სიგანის);
- საპარკინგე ადგილი შშმ პირთათვის;
- უსაფეხურო წვდომა საძინებელზე;
- საძინებლის შესასვლელი (მინიმუმ 81 სმ სიგანის);
- უსაფეხურო წვდომა სააბაზანოზე;
- სააბაზანოს შესასვლელი (მინიმუმ 81 სმ სიგანის);
- საშხაპის ან აბაზანის სკამი;
- უსაფეხურო საშხაპე;
- ხელის მოსაჭიდი მილი უნიტაზთან;
- ხელის მოსაჭიდი მილი საშხაპეში;
- ჭერის ან მობილური ამწე.
ადაპტირებული პირობების მიხედვით გაფილტვრა
ადაპტირებული პირობების მიხედვით გაფილტვრა კომპიუტერის მეშვეობით
- მიუთითეთ დანიშნულების ადგილი, სტუმრობის თარიღები და სტუმრების რაოდენობა
- ძიების შედეგების ასახვის შემდეგ დაწკაპუნებით აირჩიეთ ფილტრები
- გადადით ადაპტირებულ პირობებზე, შემდეგ კი დაწკაპუნებით აირჩიეთ მეტის ჩვენება
- აირჩიეთ თქვენთვის სასურველი პირობები, შემდეგ კი დაწკაპუნებით აირჩიეთ საცხოვრებლების ჩვენება
ადაპტირებული პირობების შესახებ ინფორმაციის პოვნა განცხადებაში
სათქვენო საცხოვრებლის პოვნის შემდეგ ადაპტირებული პირობების დაზუსტება რამდენიმე ხერხით შეგიძლიათ.
- საცხოვრებლის აღწერილობა: ხშირ შემთხვევაში, ადაპტირებული პირობების შესახებ ინფორმაციას მასპინძლები საცხოვრებლის აღწერილობაში უთითებენ
- ადაპტირებულობის სექცია: მასპინძლებს ატვირთული აქვთ ადაპტირებული პირობების ამსახველი ფოტოები
- მასპინძელთან დაკავშირება: ამა თუ იმ საცხოვრებლის ადაპტირებული პირობების შესახებ დამატებითი ინფორმაციისთვის გამოიყენეთ მასპინძელთან დაკავშირების ღილაკი
ანტიდისკრიმინაციული პოლიტიკა
ჩვენი გაერთიანების ყველა წევრი ერთმანეთს წინასწარგანწყობების გარეშე და პატივისცემით უნდა ეპყრობოდეს. სწორედ ამიტომ, ჩვენი ანტიდისკრიმინაციული პოლიტიკა კრძალავს სტუმრისთვის უარის თქმას მხოლოდ იმ მიზეზით, რომ მას შეზღუდული შესაძლებლობა აქვს. ამას გარდა, მასპინძლებსა და სტუმრებს ერთმანეთისთვის ადაპტირებულობასთან დაკავშირებული ინფორმაციის გაზიარების საშუალებას ვაძლევთ.
დაკავშირებული სტატიები
- გზამკვლევი • სტუმარი
შესაფერისი საცხოვრებლის პოვნა
გჭირდებათ დახმარება შესანიშნავი საცხოვრებლის პოვნაში? ქვემოთ მოცემული სტატიებიდან შეიტყობთ, რა უნდა გაითვალისწინოთ მომდევნო სტუმრობის დაგეგმვისას. - ინსტრუქცია
ტელეფონის ნომრის დადასტურება
ანგარიშში ტელეფონის ნომრის მითითების შემდეგ სტუმრები, მასპინძლები და Airbnb‑ს გუნდის წევრები ჯავშნების თაობაზე თქვენთან დაკავშირებას შეძლებენ. - გზამკვლევი • სტუმარი
ანგარიშის დაყენება
ანგარიშში შეხვედით, თუმცა ცვლილებების შეტანა გსურთ და გაინტერესებთ, სად უნდა გადახვიდეთ ამისთვის? ქვემოთ მოცემული სტატიებიდან შეიტყობთ, როგორ განაახლოთ პროფილი, მართოთ გაფრთხილების პარამეტრები და სხვა.