სტუმრები მოუთმენლად ელის საცხოვრებლის, მომსახურებისა და შთაბეჭდილებების მიღებას, თუმცა გვესმის, რომ ზოგჯერ ჯავშნის გაუქმება გიწევთ.
თუ გაუქმება მოგიწევთ, შეძლებისდაგვარად მალე მისწერეთ სტუმრებს, რომ სხვა გეგმები შეადგინონ.
თუ სტუმრის ჯავშანს გააუქმებთ, ის დაუყოვნებლივ შეიტყობს ამის შესახებ ელფოსტით, რის შემდეგაც მას შევთავაზებთ თქვენ მიერ შეთავაზებული საცხოვრებლის მსგავს ვარიანტებს. გაუქმებული ჯავშნისთვის ანაზღაურებას არ მიიღებთ, სტუმარს კი თანხა სრულად დაუბრუნდება.
დაბინავებამდე 24 საათის განმავლობაში ან სტუმრობის დაწყების შემდეგ ჯავშნის გაუქმება განსაკუთრებულ სიტუაციად ითვლება. ამიტომ, დახმარებისთვის უნდა დაგვიკავშირდეთ.
Სტუმრის ჯავშნის გაუქმებამ, შესაძლოა, სერიოზული გავლენა მოახდინოს მის სტუმრობაზე, ამიტომ, შესაძლოა, გადასახადები და სხვა შედეგები დავაწესოთ. დეტალური ინფორმაცია მოცემულია მასპინძლების მიერ საცხოვრებლების გაუქმების წესებში, ასევე, მასპინძლების მიერ შთაბეჭდილებების გაუქმების წესებში.
ჩვენ არ დაგაკისრებთ გადასახადებს (ან, ზოგიერთ შემთხვევაში, სხვა სახის პასუხისმგებლობას), თუ ჯავშანს მძიმე შემაფერხებელი გარემოების გამო ან თქვენგან დამოუკიდებელი გარკვეული საფუძვლიანი მიზეზების გამო გააუქმებთ.